Səməd Səmədov: “Peşəkar boksçuyam”

Xalq artisti Səməd Səmədov formada qalmağının sirrini açıqlayıb. 

    Xalq artisti Səməd Səmədov formada qalmağının sirrini açıqlayıb. Axşam.az-ın məlumatına görə,müğənni açıqlamasında peşəkar boksçu olduğunu deyib: “Gecə 2-də də, 3-də də yatsam səhər 7-nin yarısı oyanıram. Alimlər təsdiq edib ki, 4 saat yuxu yatmaq kifayətdir. Mən həm də idmanla məşğul oluram. Peşəkar boksçuyam. Şirniyyat yemirəm. Formada qalmaq üçün çox hərəkət edirəm. Yay olanda səhər və axşam dənizə yollanıram. Üz dərimə də qulluq edirəm. Yeganə kişi ifçısıyam ki, üzümə təraşdan sonra ətir vurmuram. İsti su ilə yuyub, üstündən soyuq su vururam”.

   Muğam ifaçısı Elnarə Abdullayevanın Qobustan rayonuna çəkdirdiyi bulaqdan su gəlmir. Bir müddət öncə təntənəli açılışı olan bulağın yerləşdiyi ərazidən su çıxmadığı müəyyənləşib. Açılış tədbiri baş tutan gün isə yalnız quyuya su doldurmaqla bulaqdan istifadə etmək mümkün olub. Məsələylə bağlı danışan xanəndə bundan xəbərsiz olduğunu, tezliklə rayona yollanacağını bildirib: "Mən illərlə heç kimin etmədiyi bir işi gördüm. Heç vaxt yarımçıq iş görmərəm. O qədər xərc çəkmişəm ki, bulaq bu vəziyyətdə qalsın? Əgər su gəlməsə, başqa yola əl atacağıq. O boyda hovuzlar tikdirmişəm ki, su gəlməyəndə də nəsə edək. İnsanlar susuz qalmamalıdır". Qeyd edək ki, E.Abdullayeva bulağın çəkilməsinə 200 min manat xərc çəkdiyini bildirmişdi.

    Müğənni Lətifə Soyuöz yeni mahnı hazırlayıb. Sənətçi açıqlamasında “Mən” adlanan yeni işinin yayın hiti olacağını deyib: “Digər şou əhlindən fərqli olaraq, mən sözümü mahnılarımda deyirəm. Yeni oxuduğum “Mən” yaya damğasını vuracaq. Türk mahnısıdır. Özhan Köç ifa edib. Bu bəstəni çox bəyənirdim və tez-tez qulaq asırdım. Qərara gəldim ki, özüm də oxuyum. Mahnının sözlərini Azərbaycan dilinə tərcümə etdim. Müəlifdən icazə almamışam. Türklər bizim mahnıları oxuyanda anonim yazırlar. Sevinsinlər ki, mən müəllifin kimliyini deyirəm”.

    Müğənni Xəyyam Nisanov türkiyəli ifaçı İsmayıl YK ilə bir araya gəlib. İfaçılar Moskvada toy məclisində eyni səhnəni bölüşüblər. İsmayıl YK ilə fotosunu paylaşan X.Nisanov “Mənim əziz dostum İsmayıl YK” sözlərini yazıb.

 

Əhəd Miriyev

 

MuzTv.az