Natavan: “Səviyyəsizlərin sayı artır”

Müğənni Natavan Həbibi şou-biznesin hazırki durumundan şikayətlənib. Sənətçi açıqlamasında az-az görünməyinin səbəbini açıqlayıb:

     Müğənni Natavan Həbibi şou-biznesin hazırki durumundan şikayətlənib. Sənətçi açıqlamasında az-az görünməyinin səbəbini açıqlayıb: “İstirahətdəydim. Bakıya yeni qayıtmışam. Gündəmə çox gəlmirəm. Çünki maraqsızdır, şou-biznesdə insanı çəkən heç nə yoxdur. Maraqsız insanlar, hədsiz paxıllar çoxalıb. Belə hallar artıqca, adam həvəsdən düşür. Səviyyəsizlərin sayı artır. Görməmiş kimi hər yerə gedirlər. Öz səviyyəsini, sənətini qoruyanlar onların içində olmaq istəmir. Mən də hər yerə getmirəm. Maraqlı veriliş olanda qatılıram”.

     Müğənni Elton Hüseynəliyev kökəlib. Sənətçi açıqlamasında 100 kiloqram olduğunu bildirib: “Çoxdandır idman etmirəm. Bu yay mütləq başlayacam. Sentyabra qədər ideal çəkiyə düşməliyəm. İdman edəndə qaçıram, üzürəm, futbol oynayıram. Hazırda bunların heç birini etmirəm. İndi 100 kiloqramam. 10 kiloqram artıq çəkim var. Boyum 185-dir. Normal çəkim 90 olmalıdır. Söz verirəm ki, 3 aydan sonra normal çəkimə qayıdacam. İndi dəb düşüb, hamı idman edir. Bu sağlamlıqdır. Bunu niyə tərz halına gətirmisiniz ki?".

     Türkiyədə yaşayan müğənni Azəri Günel Zeynalova yeni mənzilə köçüb. İfaçı bu haqda açıqlamasında deyib: “İstanbulda Fulyada qalırdım. İndi Maslaka köçmüşəm. Səkkiz ildir orada yaşayırdıq. Əşyalarımız çox idi. Öz evimiz deyil. Artıq mənzil almağı düşünürəm. Hələ də paltarlarımı yeni evə yerləşdirə bilməmişəm. Gələcəkdə geyimlərimi satışa çıxarmağı düşünürəm. Əldə edəcəyim gəliri isə xeyriyyə məqsədiylə xərcləyəcəm”.

     Rəqqasə Oksana Rəsulova maraqlı açıqlamalar verib. Sənətçi Hindistandakı fəaliyyəti ilə bağlı da danışıb: "1 aydan sonra yenidən Hindistana gedirəm. Çoxdandır gözlədiyim 3 illik iş vizam da artıq hazırdır. Orada 1 filmə də çəkiləcəyəm, onun hazırlıqlarının bitməsini gözləyirik. Azərbaycanı Hindistanda təmsil edirəm. Hər dəfə oraların yeməklərini soruşurlar məndən. Mən həmişə orada arıqlayıb gəlirdim Bakıya, amma bu dəfə kökəlib gəlmişəm". Sevilən rəqqasə Hindistanla bağlı başqa xatirələrini də bölüşüb: "Şakruh Xana kukla düzəldib hədiyyə etmişdim, illər sonra görüşəndə məni tanımadı. Dedim ki, mən sizə kukla hədiyyə etmişəm, sonra tanıdı, məni qucaqladı".

 

Əhəd Miriyev

 

MuzTv.az