Manana yeni klipi üçün 20 saatını sərf etdi

Əməkdar artist Manana "This is my time" ("Mənim zamanımdır") adlı yeni mahnı səsləndirib. 

    Əməkdar artist Manana "This is my time" ("Mənim zamanımdır") adlı yeni mahnı səsləndirib. Axşam.az-ın məlumatına görə, mahnının müəllifi Çarliz adlı ingilis bəstəkarıdır. Müğənni "Bakı 2015" Avropa Oyunlarına həsr etdiyi bəstəyə klip də çəkdirib. Nail Naiboğlunun lentə aldığı ekran işinin çəkilişləri 20 saat davam edib.

    Müğənni Rəqsanə İsmayılova həmkarlarının ünvanına sərt sözlər deyib. Sənətçi açıqlamasında heç bir qalmaqalın onu ruhdan salmayacağını bildirib: “Şou-biznesdə bir-iki adam var döyülməlidir. Bezdim bu sənətdən. Hamısı deyinir. Bəsdirin, yığışdırın bu davanı. Biri o birisinin toyunu əlindən alır, dır-dır danışırlar. Bir az da xeyriyyə işləri görün. Bunlar nə istəyirlər? Əynimizə paltar geyinməyək? Çimərlik geyimində gəzək? Mən ona-buna libas geyinməyi öyrədirəm. Yanına uşaqları salıb, mənim geyimimi qınayırlar. Bunların heç biri məni ruhdan sala bilməz. Böyük layihələrlə məşğulam. Yaxın günlərdə təqdim edəcəm".

    Müğənni Xəyyam Nisanov şəxsi həyatından danışıb. İfaçı açıqlamasında ailə qurmaq istədiyini bildirib: “Hazırda subayam. Bu yaxınlarda mənim də toyum olacaqdi, amma alınmadı. Qismətdən çox şey asılıdır. Allah nə vaxt məsləhət görsə, onda da evlənəcəm. Seçəcəyim xanım şou-biznes nümayəndəsi olmayacaq. Ailədə bir ulduz olar”.

    Müğənni-bəstəkar Murad Arif yeni fotosessiya etdirib. Müğənni açıqlamasında yaradıcılıq işlərindən danışıb: “Müğənninin işi daim yenilik təqdim etməkdən ibarətdir. Fərhad Əlinin fotokamerası qarşısına keçib, şəkillər çəkdirdim. Bu yaxınlarda “İnşallah” mahnıma çəkdirdiyim klipimi də təqdim edəcəm. Çox rəngarəng bir ekran işi olacaq”.

 

Əhəd Miryev

 

Muz-Tv.az