Aygünün “Bir parça keks”-i

 Xalq artisti Aygün Kazımova “Bir parça keks” adlı mahnısını təqdim edib. 

    Xalq artisti Aygün Kazımova “Bir parça keks” adlı mahnısını təqdim edib. Axşam.az-ın məlumatına görə, bəstənin sözləri Azər Şirinə, musiqisi isə Elçin Cəfərova aiddir.

    Müğənni İradə İbrahimova ikinci dəfə ana olacaq. Bir qızı olan sənətçinin bu dəfə oğlu dünyaya gələcək. İ.İbrahimova övladı doğulandan sonra yaradıcılığında fasilə verməyəcəyini bildirib. Qeyd edək ki, sənətçi Ceyhun İzer adlı türkiyəli iş adamı ilə ailə qurub.

    Müğənni Xəyyam Nisanov “Bentley” markalı avtomobil alıb. Sənətçinin “99XN999” nömrəsi də diqqət çəkib. İfaçı əməkdaşımızla söhbətində maşını, evi ilə reklam olunmağı sevmədiyini deyib: “Həmişə üstüaçıq avtomobil arzulamışam. Bu günə kimi olan bütün avtomobillərim mavi rəngdədir. Öz qazancımla almışam. Maşınla gündəmə gəlməyi sevmirəm. Murad Arifin yeni mahnısını oxumuşam, ona klip çəkdirəcəm. Ekran işində bu maşınla görünəcəm".

    Hazırda Türkiyədə olan müğənni Aysel Əlizadə yerli ulduzların da qatıldığı məclislərin birində iştirak edib. Qardaş ölkədə yaşayan dostlarından birinin doğum gününə dəvət alan sənətçi Bülənt Ərsoy, Ferman Toprak, Ankaralı Coşkun, şoumen Məhməd Əli Ərbil və başqaları ilə görüşüb. Qonaqlarla birlikə mahnılar ifa edən A.Əlizadə səfərinin məqsədinin doğum günü ilə bitmədiyini söylədi. Yeniliklər vəd edən müğənni İstanbula da bunun üçün yollandığını vəd edib.

 

Əhəd Miriyev

 

Muz-Tv.az