Alim Qasımov Səbinə Babayeva ilə duet oxudu

Xalq artisti Alim Qasımov "Eurovision 2012" təmsilçimiz Səbinə Babayeva ilə duet oxuyub.

   Xalq artisti Alim Qasımov "Eurovision 2012" təmsilçimiz Səbinə Babayeva ilə duet oxuyub. Axşam.az-ın məlumatına görə, "Qol güləş himni" adlanan mahnının musiqisi Namiq Zeynalova, sözləri Ətrabəyə aiddir. Mahnı "Bakı 2015" İlk Avropa Oyunlarına həsr olunub.

   Əməkdar artist Gülüstan Əliyeva uzun fasilədən sonra yeni klip çəkdirib. “Sən öyrətmisən” adlı mahnının sözləri əməkdar artist Elza Seyidcahana, musiqisi isə Əli Vəkiloğluna aiddir. Ekran işinin rejissoru Aydın AS-dır. Sənətçinin stili üzərində Elnur Həsənov çalışıb.

   Meyxanaçı Namiq Qaraçuxurlu qardaşı oğulları ilə fotosunu paylaşıb. İfaçı şəklə “Qardaşoğulları və mən! Məni dünyaya gətirən xanımın doğum günündə... Allah bütün anaları qorusun” sözlərini yazıb.

   Türkiyəli müğənni İrəm Derici Bakının qonağı olacaq. Bu haqda təşkilatçı Nahid Emiloğlu xəbər verib. O, sənətçinin paytaxtımızda konsert verəcəyini bildirib: "Konsert iyulda "Yaşıl Teatr"da baş tutacaq. Orkestri ilə birlikdə gələcək. İrəm son günlər ən çox pərəstişkarı olan ifaçılardandır. Maraqlı bir şou fikirləşmişik. İrəmlə yanaşı, konsertdə başqa bir türkiyəli ifaçı da çıxış edəcək. Onun adını isə yaxın günlərdə açıqlayacam".

 

Əhəd Miriyev

 

Muz-Tv.az