Elza Seyidcahan yeni mahnı hazırlayır

Əməkdar artist Elza Seyidcahan yeni mahnı hazırlayır. Axşam.az-ın məlumatına görə, sənətçi "İdman himni" adlı bəstənin iyunda Bakıda...

   Əməkdar artist Elza Seyidcahan yeni mahnı hazırlayır. Axşam.az-ın məlumatına görə, sənətçi "İdman himni" adlı bəstənin iyunda Bakıda keçiriləcək Avropa Oyunlarına həsr olunduğunu bildirib: "Hazırda aranjiman işləri aparılır. Yaxın günlərdə mahnını təqdim edəcəyəm. İfa zamanı məni böyük orkestr və muğam müsabiqəsinin iştirakçıları müşayiət edib. Gözəl alınıb". Qeyd edək ki, bəstənin sözləri yazıçı-şair Rəşad Məcidə məxsusdur.

   Müğənni Natavan Həbibi Rusiyaya istirahətə yollanıb. İfaçı dünya ulduzlarının maketlərinin olduğu "Mum Heykəllər Muzeyi"ni ziyarət edib, sosial şəbəkədə maraqlı fotolar paylaşıb İfaçı fotolara "Madonnanın geyiminə baxdım, lap yazığım gəldi. Hamısı buradadı. Tom Kruz öz ampluasındadır. Arxadakı ağzı açıq kişi Elton Condur, özü üçün oxuyur", - şərhini bildirib.

    Müğənni Ayan Babakişiyeva tədbirlərin birində fotokamera qarşısına keçərək şəkillər çəkdirib. İfaçı maraqlı ayaqqabısı ilə diqqət çəkib.

A.Babakişiyeva açıqlamasında qarderobunda yüzlərə ayaqqabı olduğunu bildirib: “Ev və bütün qarderobum ayaqqabı ilə doludur. Heç vaxt qiymətə önəm vermirəm. Xoşum gəlirsə, ucuz olsa da alacam. Amma hər zaman çalışıram ki, eksklüziv modellər olsun”.

    Rəqqasə Fatimə Fətəliyeva imicində dəyişiklik edib. Bir müddət əvvəl saçlarını açıq rəngə boyayan sənətçi onları yenidən tündləşdirib. F.Fətəliyevanın kəkilləri də diqqət çəkib.

 

Əhəd Miriyev

 

MuzTv.az