Burak Özçivit Fəxriyyə Evcənin evində yaşayacaq

Aktyor Burak Özçivitlə aktrisa sevgilisi Fəxriyyə Evcən birillik münasibətlərindən sonra birlikdə yaşamaq qərarına gəliblər. 

   Aktyor Burak Özçivitlə aktrisa sevgilisi Fəxriyyə Evcən birillik münasibətlərindən sonra birlikdə yaşamaq qərarına gəliblər. Axşam.az Türkiyə mətbuatına istinadən xəbər verir ki, cütlük bundan sonra eyni evdə yaşayacaq. Burak artıq evini əşyaları ilə birlikdə 4 min lirəyə (təxminən 1600 manat) kirayəyə verərək Fəxriyyənin mənzilinə köçüb.

   Musiqi karyerasına son qoyub rejissorluqla məşğul olan Mahsun Kırmızıgül vəkil sevgilisinə evlilik təklifi edib. Sənətçi bu münasibətlə hədiyyə olaraq ona 5 min dollarlıq brilyant qaşlı üzük bağışlayıb. Cütlüyün nikah tarixi isə bəlli deyil.

   Aktyor Halit Ərgənçlə aktrisa Bərgüzar Korel həftəsonu istirahətini oğulları Əli ilə birlikdə ediblər. Bebekdə parkların birinə yollanan ailə maraqlı gün keçirib. Cütlük oğulları ilə müxtəlif oyunlar oynayıb.

   "Recep İvedik" obrazıyla məşhurlaşan Şahan Gökbahar evlənib. Aktyor və sevgilisi Selin Ortaçlı üç illik münasibətdən sonra dünən Çexiyanın paytaxtı Praqada ailə qurublar. Dörd aylıq hamilə olan Selinin və Şahanın toy günündə yaxınları onları tək buraxmayıb. Dəvətlilər bir neçə gün əvvəldən Çexiyaya gələrək oteldə yerləşiblər. Cütlük bal ayını da elə Praqada keçirəcək.

 

Əhəd Miriyev

 

Muz-Tv.az