Bu gün "Eurovision 2015"-in finalı olacaq

Bu gün Avstriyanın paytaxtı Vyanada "Eurovision 2015" mahnı müsabiqəsinin finalı baş tutacaq. 

    Bu gün Avstriyanın paytaxtı Vyanada "Eurovision 2015" mahnı müsabiqəsinin finalı baş tutacaq. Axşam.az-ın məlumatına görə, "Wiener Stadthalle" arenasında baş tutacaq gecədə 27 ölkənin təmsilçisi səhnəyə çıxacaq. Təmsilçimiz Elnur Hüseynov bu gün 24-cü nömrə altında səhnəyə çıxacaq. O, “Hour of the Wolf” mahnısını səsləndirəcək.

    Əməkdar artist Elza Seyidcahan "Qələbə marşı" adlı mahnısına klip çəkdirib. "Bakı 2015" Avropa Oyunlarına həsr edilən mahnının musiqisi Siruz Abbasbəyliyə, sözləri isə İsmayıl Dadaşova məxsusdur. Yeni işi ilə bağlı xəbər verən E.Seyidcahan bunları deyib:

"Ekran işindəki libasımı uzun illər Fransada yaşamış modelyer Mübariz Allahverdizadə hazırlayıb. Bədən ölçülərimi ona yazıb göndərdim, libası hazırlayıb mənə yolladı. Klipin rejissoru Rövşən Əliyevdir".

     Müğənni Röya Ayxan onun rəsmi İnstagram səhifəsində Elnur adlı şəxs tərəfindən söyülüb. Müğənni həmin şəxslə bağlı polisə müraciət edib və onu tapıb. Daha sonra müğənni həmin şəxslə görüşərək onun məlum davranışını sorğulayıb. Röya Elnurla görüşə tək getməyib, ətrafında iki nəfər də olub və söhbəti gizli kameraya çəkib. Həmin görüntüləri şəxsi səhifəsində paylaşan Röya bu sözləri yazıb: "Mənim əzizlərim, İnstagram-da şəxsiyyətimi təhqir edənlər, elə bilirsiniz dərəbəylikdi? Kim hansı qiyməti istəyir onu da qoyur mənə, sonra da bax belə tapıb gətirirsən özü də polis əliylə. Deyir ki, dediyim sözlər anama, bacıma aiddi. Vay-vay bu dırnaqarası bəzi kişiciklərin axırı hara gedir görəsən? Elnur Orucov axı sənə lazım idi, niyə axı o sözləri ananıza deyirsiniz? Axı səni zülmlə böyüdür. Bu ölkədə heç kəs cinayətdən yayına bilməz. Hamı cavabını verəcək mütləq! - Röya deyib.

    Ötən gün Nadir Qafarzadənin həyat yoldaşının doğum günü olub. İfaçı həyat yoldaşının özəl günü olduğunu instagram vasitəsilə sevənlərinə bildirib. “Sevincimin doğum günüdür. Amma məlum səbəblərə görə bu günü qeyd etmək bizə qismət olmadı. Heç özü də istəmədi. Mən onu belə də olsa, sadə şəkildə təbrik edirəm. Allah bizi ayırmasın.“

 

Əhəd Miriyev

 

Muz-Tv.az