10 ölkə finala vəsiqə qazandı
“Eurovision 2015” mahnı müsabiqəsinin birinci yarımfinalı baş tutub. Axşam.az-ın məlumatına görə, Avstriyanın paytaxtı Vyanada keçirilən gecəni “Eurovision 2014”ün qalibi Konçita Vurst açıb.
“Eurovision 2015” mahnı müsabiqəsinin birinci yarımfinalı baş tutub. Axşam.az-ın məlumatına görə, Avstriyanın paytaxtı Vyanada keçirilən gecəni “Eurovision 2014”ün qalibi Konçita Vurst açıb. Birinci yarımfinal üçün hazırladığı mahnısını səsləndirən ifaçı bütün iştirakçıları səhnəyə dəvət edib. "Wiener Stadthalle" arenasında baş tutan müsabiqədə 16 ölkənin təmsilçisi səhnəyə çıxıb. Onlar arasından Albaniya, Rusiya, Rumıniya, Serbiya, Belarus, Yunanıstan, Macarıstan, Estoniya, Almaniya və Ermənistan finala vəsiqə qazanıb. İkinci yarımfinal mayın 21-də baş tutacaq. Ölkəmizi bu il mahnı müsabiqəsində “Hour of the Wolf” mahnısı ilə təmsil edəcək Elnur Hüseynov 11-ci nömrə altında çıxış edəcək. Finalda birbaşa iştirak etmək hüququ qazanan ölkələr isə Avstriya, Almaniya, Fransa, İtaliya, Böyük Britaniya, Avstraliya və İspaniyadır. “Eurovision”ın final günü mayın 23-də baş tutacaq.
Son zamanlar aktyor Bredli Kuperlə eşq macəraları ilə gündəmdə olan rusiyalı model İrina Şeyk Kann Film Festivalı çərçivəsində keçirilən partidə görüntülənib. Gecəyə ağ tulumla qatılan model onu çəkmək istəyən fotoqrafın müvazinətini itirdiyini görüncə xəbərdarlıq edib. Lakin fotoqraf özünü saxlaya bilməyərək yıxılıb.
“Hilton” otellər şəbəkəsinin varisi, müğənni-aktrisa Paris Hilton yeni klipini təqdim edib. “High Off My Love” mahnısını ekranlaşdıran 34 yaşlı ifaçı seksual səhnələrə imza atıb. Hilton sosial şəbəkədə yeni klipini çox bəyəndiyini deyib.
Amerikada beyin əməliyyatı keçirən müğənni İbrahim Tatlısəsin Türkiyəyə qayıtdıqdan sonra ilk ziyarət etdiyi şəxs dostu olub. Yalovadakı qocalar evindən birində yaşayan dostu Adnan Sözerə baş çəkən sənətçi işçilərlə və oranın sakinləri ilə xatirə fotosu çəkdirib.
Əhəd Miriyev
MuzTv.az