Avstriyanın paytaxtı Vyana şəhərində “Eurovision” gecəsi başlayır

Bu gün Avstriyanın paytaxtı Vyana şəhərində “Eurovision” mahnı müsabiqəsinin ilk mərhələsi başlayır.

    Bu gün Avstriyanın paytaxtı Vyana şəhərində “Eurovision” mahnı müsabiqəsinin ilk mərhələsi başlayır."Wiener Stadthalle" arenasında baş tutacaq birinci yarımfinalda 16 ölkənin təmsilçisi səhnəyə çıxacaq. Mayın 21-də ikinci yarımfinalda isə digər 17 ölkə təmsilçisi öz mahnısını səsləndirəcək. Finalda birbaşa iştirak etmək hüququ qazanan ölkələr isə Avstriya, Almaniya, Fransa, İtaliya, Böyük Britaniya, Avstraliya və İspaniyadır. Təmsilçimiz  Elnur Hüseynov ikinci yarımfinalda 11-ci nömrə altında çıxış edəcək. O, “Hour of the Wolf” mahnısını səsləndirəcək. Elnura ən böyük dəstək elə Azərbaycanı ötən il bu yarışmada təmsil edən Dilarə Kazımovadan gəlib.  O, Elnurun qalibiyyətinə inandığını deyib. Elnura dəstək olanlar sırasında türkiyəli məşhurlar da olub. Ard-arda efirlərdə təmsilçimiz üçün səs istəyən qardaş ölkənin tanınmışları arasında Bəyazit Öztürk də yer alıb. Şoumen “Kanal D”də yayımlanan “Bəyaz şou”da bütün Türkiyəyə səslənib. Qeyd edək ki, bundan əvvəl  Acun İlıcalı, Alper Kul, Fatma Toptaş, Fettah Can, Sefa Doğanay, Suzan Kardeş, Şəbnəm Bozoklu da Elnur Hüseynova dəstək olublar.Nəzərinizə çatdıraq ki, “Eurovision”ın final günü mayın 23-də baş tutacaq. 

 

Elyar Sadıqlı

 

MuzTv.az