“Bollywood”un məşhur rejissoru Bakıda film çəkəcək

“Bollywood”un məşhur rejissoru Priyadarşan  film çəkmək üçün Bakıya gəlib. 

    “Bollywood”un məşhur rejissoru Priyadarşan  film çəkmək üçün Bakıya gəlib. Tanınmış rejissorun filmlərində Amitab Baççan, Şahrux Xan, Salman Xan və s. dünyaca məşhur aktyorlar rol alıb. Bu dəfə isə rejissor Azərbaycanla Hindistan arasında mədəni  əlaqə yaradan layihəyə imza atacaq. Priyadarşanın yeni ekranlaşdıracağı filmdə hind aktyorları ilə yanaşı yerli aktyorlarımız da iştirak edəcək. Rejissoru Priyadarşan film barədə bunları söyləyib: “Filmin adı çox güman ki,  “Son qətnamə” adlanacaq. Ekran əsərinin mövzusu ondan ibarətdir ki, bir qız anasının axtarışı ilə əlaqədər Azərbaycana gəlir. Anasını axtarmasına səbəb isə atası vəfat etdiyi zaman ona dediyi yerdir. Ancaq indi ssenarisini ətraflı daanışsam, filmi heç kim gözləməyəcək. Sözsüz ki, bu filmdə də musiqilərə yer veriləcək.  Hindistanda film sahəsi çox böyük, nəhəngdir. Bu filmdə rol alacaq Mohanlal Nair həm Bollivudda, həm də beynəlxalq filmlərin çəkilişində ən tanınmış aktyorlardan biridir. O da bizim filmdə əsas rollardan birini oynayacaq”.

Ekran əsərində yerli sənətçilərimizdən xalq artistləri Amaliya Pənahova, Həmidə Ömərova, Rasim Balayev və əməkdar artist  Fizuli Hüseynov rol alacaq.

    Qeyd edək ki,Priyadarşan “Kanchivaram” filminə görə Hindistan prezidenti tərəfindən iki dəfə ölkənin milli mükafatına layiq görülüb.

 

Sevda Məmmədova

Vüsal Həşimov

 

Muz-Tv.az