Elnur Hüseynov “Eurovision-2015”-in açılış mərasimində

Avstriyanın paytaxtı Vyanada “Eurovision-2015” mahnı müsabiqəsinin açılış mərasimi keçirilib.

    Avstriyanın paytaxtı Vyanada “Eurovision-2015” mahnı müsabiqəsinin açılış mərasimi keçirilib. Axşam.az-ın məlumatına görə, mərasimdə “Eurovision-2014”-ün qalibi avstriyalı müğənni Konçita Vurst da iştirak edib. Tarixi Rathaus meydanında təşkil olunan tədbiri Konçita açıb. "Eurovision 2015" də ölkəsini təmsil edəcək ifaçılar qırmızı xalçadan keçib. Onlar arasında Azərbaycan təmsilçisi Elnur Hüseynov, nümayəndə heyətindən olan Tamilla Şirinova və Hüsniyyə Məhərrəmova da yer alıb. Qeyd edək ki, "Eurovision 2015" mahnı müsabiqəsinin ilk yarım finalı mayın 19-da, ikinci yarım final mayın 21-də, final isə mayın 23-də olacaq. E.Hüseynov yarışmada “Hour of the Wolf” mahnısını oxuyacaq.

   Əməkdar artist Elza Seyidcahan göyün yeddinci qatında – təyyarədə konsert verəcək. Müğənni açıqlamasında bunun üçün artıq rəsmi icazənin də alındığını deyib: “Bu, bir zarafat deyil. Elza Seyidcahan heç vaxt belə məsələdə zarafat etməyib. Artıq hazırlıqlara başlanılacaq. Mən boş-boş sözlərlə nə özümü reklam etmişəm, nə gündəmə gəlmişəm, nə də istəmişəm ki, məndən danışsınlar. Danışanlar da, kimi etdiyim layihələrə sənət prizmasından yanaşıb, kimi də bundan şou yaradıb parodiya edib. Ağız torba deyil ki, büzəsən. Təyyarədəki konsertim zamanı tamaşaçılara yemək də, əllərini silməyə dəsmal da veriləcək”.

   Müğənni Xəyyam Nisanov “Çox peşmanam” adlı yeni mahnısını dinləyicilərin ixtiyarına verib. Bəstənin sözləri və musiqisi Muxtar Abseynova aiddir.  

    Müğənni Vasif Məhərrəmli ilk dəfə oğlu Məhəmmədəlinin fotosunu ortaya çıxarıb. Sənətçi sosial şəbəkədə paylaşdığı şəkillərin yanına “Oğlum böyüyür, Allaha şükürlər olsun” sözlərini yazıb. Qeyd edək ki, ifaçının övladı ötən ilin iyununda dünyaya gəlib.

 

Əhəd Miriyev

 

MuzTv.az