İradə İbrahimova yeni klip çəkdirib

Müğənni İradə İbrahimova “Olmamalıydı” mahnısına klip çəkdirib. 

    Müğənni İradə İbrahimova “Olmamalıydı” mahnısına klip çəkdirib. Axşam.az-ın məlumatına görə, sənətçi sözləri və musiqisi Şəhrazata, aranjimanı Ozan Çolakoğluna aid olan ekran işini yaxın günlərdə tamaşaçıların ixtiyarına verəcək. Türkiyədə Gülşən Aybabanın lentə aldığı ekran işi həm Azərbaycanda, həm də qardaş ölkədə nümayiş olunacaq. Hazırda İstanbulda olan İ.İbrahimova yaxın günlərdə Bakıya gələcək. Qeyd edək ki, "Olmamalıydı" klipi üzərində 40 nəfərdən ibarət yaradıcı heyət çalışıb.

    Müğənni Xəyyam Nisanov dünyasını dəyişən atasından da bəhs edib. İfaçı açıqlamasında sənətə onun sayəsində gəldiyini bildirib: "Atam peşəkar musiqiçi olub. Onun oxuduğu mahnılar var ki, indi mən onlardan bəhrələnirəm. Onun xatirəsi mənə çox əzizdir. Atam olmasaydı heç vaxt bu sənətə gəlməzdim. Musiqinin bir çox sahələrindən xəbərim var. İndi də nağara ifa etməyi öyrənirəm".

    Rəqqasə Oksana Rəsulova iddialı açıqlamalar verib. Sənətçi açıqlamasında Hindistanda ulduz olmaq iddiasından danışıb: “Ana olmaq istəyirəm. Bunun üçün ailə qurmaq lazımdır. Amma hələ ki, ailə qurmaq istəmirəm. Mənim üçün hazırda karyera birinci sırada dayanır. Bu il Hindistanda ulduz olmaq istəyirəm. Buna iddialıyam. Mütləq orada bir filmə çəkiləcəm”.

    Müğənni Əbdül Xalid “Can yoldaşım” adlı konsert verib. Əyləncə mərkəzlərindən birində baş tutan gecənin aparıcısı Samir Bayramlı olub. Sevilən mahnılarını səsləndirən Əbdül Xalidin konsertində rəqqasənin çıxışı xüsusi diqqət çəkib. Müğənnini izləyənlər arasında qızı Mədinə də olub.

 

Əhəd Miriyev

 

Muz-Tv.az