Sevda Ələkbərzadə: “Şəxsi həyatımla gündəmə gəlmək istəmirəm”
Əməkdar artist Sevda Ələkbərzadə həyat yoldaşı Kamyardan danşıb. Axşam.az-a açıqlama verən müğənni onun gözəl səsi olduğunu bildirib: “Əslində Kamyar peşəkar gitara ifaçısıdır.
Əməkdar artist Sevda Ələkbərzadə həyat yoldaşı Kamyardan danşıb. Axşam.az-a açıqlama verən müğənni onun gözəl səsi olduğunu bildirib: “Əslində Kamyar peşəkar gitara ifaçısıdır. Musiqi savadı var. Səsi də gözəldir. Hərdən mahnı oxuyur. Amma heç vaxt tamaşaçılar bizi eyni layihədə görməyəcəklər. Mən şəxsi həyatımla gündəmə gəlmək istəmirəm”. S.Ələkbərzadə filmə çəkilmək istəyindən də bəhs edib: “Əvvəl seriala dəvət almışam, amma qəbul etməmişəm. Ciddi film təklifi olsa razılaşaram. Əlbəttə ki, mənim də qadağalarım olacaq. Qonorar isə məni maraqlandırmır. Hamı bilir ki, incəsənəti sevən biriyəm. Onun inkişafında əməyim olacaqsa, bunda təmənna güdmürəm”.
Əməkdar artist Elza Seyidcahan qızı Gülşənin toyundan danışıb. Müğənni övladının toyunun yayda olacağını desə də, vaxtın dəyişdirildiyini bildirib. Belə ki, o, Gülşənin sentyabrda ailə quracağını deyib: “Bu yay ölkəmizdə Avropa Oyunları kimi çox önəmli bir hadisə baş verəcək. Hamımızın başı o hadisəyə qarışıb. Həm də qızımın yanımda daha çox qalmasını istəyirəm. Baxmayaraq ki, oğlum çox nişanlı qalmadı, toyu tez oldu. Gülşənin toyu sentyabrda olacaq. Artıq qərar vermişik. Bircə qalıb günü dəqiqləşdirmək”. Qeyd edək ki, əməkdar artistin qızı ötən ilin iyulunda fotoqraf Elxan Əlisatovla nişanlanıb.
“Eurovision-2015” mahnı müsabiqəsinin ikinci yarımfinalında iştirak edəcək ifaçıların Vyana səhnəsində birinci rəsmi məşqi bu gün baş tutacaq. Azərbaycan təmsilçisi Elnur və onun komandası bu vacib çıxışa hazırlıq üçün maksimum səylər göstərir. Təşkilat komitəsindən verilən məlumata görə, bu gün Elnur “Hour of the Wolf” mahnısını ilk dəfə məşq edəcək. İfa zamanı Elnurla səhnədə iki rəqqas olacaq – qız və oğlan. Elnurun səsinə üç güclü bek-vokalçı dəstək verəcək. Zəngin promo-tur çərçivəsində iki həftə ərzində altı ölkəni gəzib-dolaşdıqdan sonra Elnur fikrini səhnə nömrəsinin məşqləri və vokal ifası üzərində cəmləşdirib. Onun əsas məqsədi mahnının ideyasını, yəni, “hər ürək üçün vuruşmaq lazımdır” mesajını Avropa auditoriyasına çatdırmaqdır. Elnurun səhnə komandası dünya səviyyəli mütəxəssislər, rəqqaslar, bir sıra beynəlxalq müsabiqələrin qalibləri və beynəlxalq mükafatların laureatları, təcrübəli bek-vokalçılardır.
Müğənni Aysel Əlizadə ad gününə hazırlaşır. Sənətçi açıqlamasında həmin gün təmtəraqlı məclis keçirəcəyini bildirib: “Heç vaxt kompleksim olmayıb. Amma bu dəfə nəsə narahatam. Deyirəm, yaşım gedir, gəncliyin müəyyən qismini yaşamışam. Əslində ad günüm 12 iyundadır. Həmin gün Avropa Oyunlarının açılışıdır. Ona görə də, ayın əvvəlində qeyd edəcəm. Bütün media nümayəndələrini və sənət dostlarımı yığacam”.
Əhəd Miriyev
Muz-Tv.az