Ceki Can: “Edam cəzasını dəstəkləyirəm”

Hollivudun çinli aktyoru Ceki Can edam cəzasını dəstəklədiyini deyərək hər kəsi təəccübləndirib. 

    Hollivudun çinli aktyoru Ceki Can edam cəzasını dəstəklədiyini deyərək hər kəsi təəccübləndirib. Axşam.az-ın BBC-yə istinadən məlumatına görə, o, narkotik vasitələrin gənclərlə yanaşı, onların ailəsinə də ziyan verdiyini bildirib. Məşhur döyüş ustası "bəzi hallarda edam cəzasını dəstəkləyirəm" deyib. Bir müddət əvvəl aktyorun oğlu Ceysi Can da narkotik maddələrdən istifadə etdiyi üçün 6 ay həbsxanada yatmışdı. Jurnalistlərin bu barədə sualına o, oğlunun bu hərəkətindən utandığını və onunla artıq daha çox maraqlandığını vurğulayıb.

    Serbiyalı pop müğənni Yelena Karleus həmkarı Beyonsu onu təkrarlamaqda günahlandırıb. O,İnstaqramda Beyonsun paltarlarını ondan əvvəl geyindiyinə aid fotokollajlar paylaşaraq yazıb: "Beyons, müharibə istəyirsənsə, buyur. Beyonsun fanatları, siz həqiqəti bilməlisiniz. Bu, əsl həqiqətdir". O, ifaçının "Met Gala 2015"dəki libasının da ona aid olduğunu iddia edib.

    31 yaşlı isveçli müğənni Lorin yeni mahnısını təqdim edib. "Paperlight" adlanan mahnının klipində müğənni açıq səhnələrdən istifadə edib. Rəqsi zamanı sinəsi tamam görünən ifaçı bununla qadın hüquqsuzluğuna və homofobiyaya diqqət çəkmək istəyib. Qeyd edək ki, Lorin 2012-ci ildə Bakıda keçirilən "Eurovision"un qalibidir.

    Müğənni Hadisə Türkiyədəki qazancının vergisini Belçikada ödədiyinə dair xəbərlərə əsəbiləşib. İfaçı bununla kiminsə süni şəkildə qalmaqal yaratmaq istədiyini bildirib. Onun mətbuat xidməti məsələ ilə bağlı açıqlama verib: "Bu xəbərlərin heç bir əsası yoxdur, tamamilə uydurmadır. Buna görə illər öncə dediyimizi bir daha təkrarlayırıq. Hadisə Türkiyənin hər bir vətəndaşı kimi qazancının vergisini ölkəsində, yəni Türkiyədə rəsmi orqanlara ödəyir. Bu ortaq olduğu, işlədiyi hər kəsə məlumdur. Hadisə Açıkgöz hər zamankı kimi bu il də vergisini Türkiyə Cümhuriyyətinin rəsmi orqanlarına ödəməkdə davam edir".

 

Əhəd Miriyev

 

Muz-Tv.az