İrina Şeyk aktyor Bredli Kuperlə sevgilidir

Rusiyalı model İrina Şeykin aktyor Bredli Kuperlə sevgili olması iddiaları təsdiqini tapıb. 

    Rusiyalı model İrina Şeykin aktyor Bredli Kuperlə sevgili olması iddiaları təsdiqini tapıb. Axşam.az xarici mətbuata istinadən xəbər verir ki, 29 yaşlı model sevgilisi ilə qol-qola görüntülənib. Qeyd edək ki, İrina Şeyklə futbolçu Kriştiano Ronaldo 5 illik münasibətdən sonra bu ilin əvvəlində ayrılıblar.

    İlin ən əsas moda hadisəsi “Met Gala 2015”də (“Bal institutunun kostyumları”) geyimləri ilə bir-biri ilə yarışan ulduzlar arasında müğənnilər Cennifer Lopez və Beyons xüsusi diqqət çəkiblər. Mövzusu “Çinin pıçıltısı: incəsənətdə, filmdə və dəbdə Şərq nağılları” olan gecədə Cey Lo mayın 2-də 60 yaşını qeyd edən dizayner Donatella Versaceyə hədiyyə kimi onun kolleksiyasından geyinib. İfaçı olduqca effektli, şəffaf və cəlbedici görünüşlü geyimdə gecə boyu fotoqraflar qarşısında poz verərək özünü sərbəst hiss edib. Digər maraqlı geyim isə tədbirə həyat yoldaşı, reper Cey Zi ilə qatılan Beyonsun olub. O, "Givenchy" markasından geydiyi geyimlə diqqət mərkəzində olub.

    Top model Kara Delvin “Marie Claire” dərgisi üçün fotosessiya etdirib. Özü ilə bağlı maraqlı açıqlamalar verən model Rihanna və Rita Oranı dünyanın ən seksual qadınları adlandırıb. Kara vəhşi təbiəti olduğunu deyib: “Nəzakətli birini görəndə təəccüblənirəm. Hamı o qədər kobuddur ki… Hərdən dəli oluram. İmkanım olsaydı, bir meşənin içində yaşayardım. Çünki vəhşi qızam. Kiminsə haqqında ilk təəssüratım həmişə düz çıxır. İntuisiyama çox arxayınam”.

    Aktrisa Fahriye Evcen Kann Film Festivalında bir firmanın siması kimi iştirak edəcək. Kaprizləri ilə gündəmdə olan Evcen onunla yanaşı aktrisa Cansu Derenin də Kannda iştirak edəcəyini eşidincə buna etirazını bildrib. Keçən il eyni markanın "gözəllik elçisi" seçilən C.Dere tədbirə qatılaraq böyük diqqət çəkmişdi. Bu səbəbdən şirkət çoxlu fanatı olan Cansunun da Fahriye ilə yanaşı festivalda iştirak etməsini təklif edib. Ancaq F.Evcen həmkarının kölgəsində qalacağını düşündüyü üçün "onun iştirakını istəmirəm" deyib. Qeyd edək ki, türk model Azra Akın da film festivalında qonaqlar arasında olacaq.

 

Əhəd Miriyev

 

Muz-Tv.az