Dünya ulduzları bir arada

Nyu-Yorkda ilin ən çox gözlənilən moda hadisəsi baş verib. 

    Nyu-Yorkda ilin ən çox gözlənilən moda hadisəsi baş verib. Axşam.az-ın xarici mətbuata istinadən məlumatına görə, dünya ulduzlarının bir araya gəldiyi “Met Gala 2015” (“Bal institutunun kostyumları”) gecəsi keçirilib. Gecənin builki mövzusu “Çinin pıçıltısı: incəsənətdə, kinoda və dəbdə Şərq nağılları” olub. Məşhurlar bir-birindən maraqlı libaslar geyiniblər. Gecəyə qatılanlar arasında Beyons, Madonna, Ledi Qaqa, Cennifer Lopez, Rihanna, Corc və Amal Kluni, İrina Şeyk, Selena Qomez, Castin Biber, Kara Delvin, Mayli Sayrus, Sara Cessika Parker, Adriana Lima, Miranda Kerr, Tom Ford və Rita Ora, Keti Perri, Helen Mirren, Robert Pattinson, Lili Oldric, Naomi Kempbell, Cici Hadid və başqaları olub.

    Aktyor-rejissor Özcan Dənizin müğənni Sıla ilə birlikdə çəkildiyi reklam yayımlanmağa başlayıb. Sənətçi bu reklam qarşılığında 2 milyon lirə (təxminən 783 min manat) alıb. Serial sektorunun ən çox qazanan aktyoru kimi tanınan Özcan bununla da reklam dünyasında yüksək qonorar alan məşhurlar siyahısına daxil olub.

    "Chanel" firması Seulda moda gecəsi təşkil edib. Podiumda Karl Laqerfeldin dizaynı əsasında hazırlanan geyimlər nümayiş olunub. Qonaqlar arasında model Jizel Bündhen və aktrisa Kristian Stüart da olub.

     Keçmiş futbolçu Devid Bekhem 40 yaşını ailəsi ilə bir yerdə Mərakeşdə keçirib. O, atası, anası, bacısı, həyat yoldaşı Viktoriya və uşaqları ilə bir yerdə gün boyu əylənib. Günün ən böyük sürprizi isə Viktoriyanın da üzvü olduğu, keçmiş musiqi qrupu "Spice Girls"ün bir araya gələrək Bekhemi təbrik etmələri olub.

 

Əhəd Miriyev

 

Muz-Tv.az