Azəri Günel Zeynalova: “Namizədləri gözləyirəm”

Türkiyədə yaşayan müğənni Azəri Günel Zeynalova ana olmaq istəyir. Axşam.az-ın məlumatına görə, sənətçi bu haqda açıqlamasında deyib:..

    Türkiyədə yaşayan müğənni Azəri Günel Zeynalova ana olmaq istəyir. Axşam.az-ın məlumatına görə, sənətçi bu haqda açıqlamasında deyib: “Uşaqları çox sevirəm. Allah mənə də ana olmaq qismət etsin. Qızım olmasını arzulayıram. Amma hələ bunun üçün toy olmalıdır. Namizədləri gözləyirəm”.

    Müğənni Xatun Əliyeva parodiya etdiyi həmkarlarının hədələrinə görə bundan sonra cangüdənlərlə gəzəcək. İfaçı açıqlamasında prodüserinin məsləhəti ilə bu addımı atdığını deyib: “Ehtiyat igidin yaraşığıdır. Bundan sonra belə olacaq. Köhnə kəndə təzə dəb gətirməmişəm. Şou-biznesdə ilk dəfə mən cangüdənlərlə gəzmişdim və bunu yenidən bərpa etdim. Prodüserim Səbuhi Arifin məsləhəti ilə belə addım atdım". Xatun verilişlərin birində həmkarlarını parodiya etdikdən sonra təhqirlərə və hədələrə məruz qaldığını deyib: “2-3 nəfər müğənni var ki, mənə qarşı ittifaq qurublar. Hətta ən yaxın rəfiqələrimlə belə aramı vurmağa çalışırlar. Doğmalarıma görə narahatam. İstəmirəm mənə görə yaxınlarıma nəsə etsinlər. Deyirlər, Xatun toya gəlirsə, biz orada olmayacağıq. Mənə qarğış edirlər. Amma belə eləməyin, qarğışın iki başı var. Allahdan qorxun, arxamca danışmayın. Bundan sonra məni hansısa məkanda cangüdənlərlə görsəniz, təəccüblənməyin”.

    Müğənni Günay İbrahimli tədbirlərin birində fotokamera qarşısına keçərək şəkillər çəkdirib. Sinə dekolteli libası ilə diqqət çəkən ifaçı açıqlamasında baxımdan danışıb: “Hər gün salon xidmətlərindən istifadə edirəm. Bəzən özüm gedirəm, bəzənsə usta evə gəlir. Bütün günü saç və makiyaj etdirirəm. Günümün üç-dörd saatı baxıma gedir. On gündən  bir isə başqa baxım prosedurlarına müraciət edirəm. Bu günə kimi estetik əməliyyata müraciət etməmişəm. Amma nə vaxtsa üzümdə qırışlar əmələ gəlsə, mütləq onu aradan qaldıracam. Əvvəl salona çox pul xərcləyirdim. Amma indi stilistlərin hamısı yaxın dostlarımdır, təmənnasız mənimlə işləyirlər”.

     Müğənni Elvin Abdullayev “Sevgi əsiri” adlı yeni mahnısını təqdim edib. Bəstənin sözləri Telli Orucqızına, musiqisi ifaçının özünə məxsusdur.

 

Əhəd Miriyev

 

Muz-Tv.az