Cennifer Lopez artıq çəkilərini gizlədə bilmədi

45 yaşlı dünya ulduzu Cennifer Lopez Mayamidə təşkil edilən “Latın Billboard Mükafatları” mərasimində səhnəyə çıxıb. 

   45 yaşlı dünya ulduzu Cennifer Lopez Mayamidə təşkil edilən “Latın Billboard Mükafatları” mərasimində səhnəyə çıxıb. Axşam.az-ın xarici mətbuata istinadən məlumatına görə, iki uşaq anası olan sənətçinin kökəlməsi diqqətdən qaçmayıb. Cenniferin mədə bölgəsindəki artıq çəkiləri geyindiyi libasdan açıq-aydın görünüb. Cey Lo gecədə möhtəşəm şousu ilə yadda qalıb.

   Bir müddət əvvəl aktyor sevgilisi Patrik Şvarsneqqerdən ayrılan müğənni Mayli Sayrus Hollivudda obyektivlərə tuş gəlib. Günəşli hava səbəbindən ürəkşəkilli eynək taxan Mayli geyimi ilə diqqət çəkib. Enli şortik geyinən Mayli onu bikini ilə tamamlayıb. 22 yaşlı ifaçı əvvəlcə müxbirlərlə salamlaşıb, daha sonra isə gözlənilmədən qaçaraq avtomobilinə minib və oradan uzaqlaşıb.

   4 mükafat alaraq builki “Qremmi” mükafatlandırma gecəsinin qəhrəmanına çevrilən ingilis müğənni Sam Smisin səs tellərində problem yaranıb. Həkimlər 23 yaşlı sənətçiyə danışmağı qadağan ediblər. Sam bu səbəbdən Avstraliya turnesini təxirə salıb. Dincəlməli olduğunu bildirən ifaçı əks təqdirdə problemin daha da ciddiləşəcəyini söyləyib. Xatırladaq ki, Sam Smis “İlin səs yazısı”, “İlin mahnısı”, “Ən yaxşı pop vokal albom” və “İlin ən yaxşı sənətçisi” nominasiyaları üzrə “Qremmi” mükafatının qalibi olmuşdu.

   Almaniyalı aktrisa Məryəm Üzərli ilk dəfə bacısı Canan Üzərli ilə çəkilmiş fotolarını paylaşıb. Sənətçinin bacısı da onun kimi şou-biznesə addım atmağa başlayıb. Belə ki, artıq sinql çıxaran Canan türk dilini çox sevdiyini bildirib: “Uşaqlığımdan bu dili və ondakı mehribanlığı çox xoşlayıram. Türk musiqilərini, mahnılarımı türkcə səsləndirməyi sevirəm. Qəlbim və ruhum özünü bu dildə rahat ifadə edə bilir”.

 

Əhəd Miriyev

 

Muz-Tv.az