Bəyazit Öztürk: “Elnurun səsinə qiymət versələr , birinci olacaq”
Azərbaycanı "Eurovision-2015"də təmsil edəcək Elnur Hüseynov Türkiyənin məşhur "Beyaz Show" proqramında qonaq olub.
Azərbaycanı "Eurovision-2015"də təmsil edəcək Elnur Hüseynov Türkiyənin məşhur "Beyaz Show" proqramında qonaq olub. Axşam.az-ın məlumatına görə, aparıcı Bəyazit Öztürk onu "Eurovision"da həm Azərbaycanı, həm də Türkiyəni təmsil edəcək" deyə təqdim edib.Elnur yarışmada oxuyacağı "Hour of the Wolf" mahnısı və promo-turları haqda danışıb. Azərbaycan musiqisini sevdiyini deyən Bəyaz həmyerlimizə "Əgər bu səsə qiymət versələr, sən birinci olarsan" söyləyib. O, eyni zamanda bütün Avropada yaşayan türklərə çağırış edərək Elnura səs vermələrini istəyib. E.Hüseynovun ifasından sonra proqramın digər qonaqları onu tərifləyərək "yarışmada sənin kimi digər səs olduğuna inanmırıq" deyiblər.
Müğənni Röya Ayxanı əsəbiləşdiriblər. Sənətçi sosial şəbəkədə onu tənqid edənlərə ismarış göndərib: "Kimsə tərbiyyədən kənar ifadə işlədəndə unutmasın ki, mən də o sözləri yazan adamam. Lazım gəlsə, önümə gətizdirib, yazdıqlarını ona özüm edərəm. Qarşınızdakı adamı alçaq bilməyin. Gözləmədiyin yerdən çıxıb, barmaqlarını qırar. Evli qadınlar yazılarınıza fikir verin. Üzr istədiniz qəbul etdim, daha çaşmayın".
Müğənni Vasif Məhərrəmli həmkarlarını tənqid atəşinə tutub. Müğənni açıqlamasında kişi həmkarlarının geyimlərindən danışıb: “Mən sənətə gələndə mən “Jeep”, nə pul, nə də dəbdəbəli ev haqda düşünmüşəm. Bizdən əvvəlki sənətkarlarımız pul haqda düşünməyiblər. Səsi güclü olan müğənnilərimiz var, amma musiqi duyumları yoxdur. Oxumaq ana bətnində insana Allah tərəfindən verilir. İnsan bilməyərək müğənni olur. Müğənni geyimi ilə də örnək olmalıdır. Kişi müğənnilər cırıq-cırıq şalvar geyinirlər. Şalvar niyə cırıq olmalıdır? Elə bil şalvar itin ağzından çıxıb. Bunlar dəb deyil. Müğənnilər adət-ənənəmizə uyğun geyinməlidir”.
Bəstəkar-müğənni Pərviz Mahmudov Türkiyənin “Elenor” şirkəti ilə müqavilə bağlayıb. İfaçı açıqlamasında yeni planlarından danışıb: "Qardaş ölkədə “Canımda cansan” mahnımı çox bəyəniblər. Əslində mən bu mahnının piarını demək olar ki, etmədim. Araz FM-də səsləndi, bir də internetdə yayıldı. Neçə vaxtdır ki, yükləmə sayına görə birinci yerdədir. Türkiyənin “Elenor” şirkəti də mahnımı məhz saytda görüb. Efirlərə çox çıxmağı sevmirəm. Verilişlərdə tullanıb-düşən, adını bəstəkar qoyaraq “plagiat” mahnılar yazanlar, ildə bir musiqi ortaya çıxarıb elə bəh-bəhlə danışırlar ki... Düz 10 ildir bu sahədə ən uğurlu insanlardanam, amma bir dəfə də bəstələrimi şişirtməmişəm. Sözügedən şirkət bu mahnını sinql şəklində buraxacaq". Qeyd edək ki, Türkiyənin “Elenor” şirkəti illərdir fəaliyyət göstərir. Bülənt Ərsoy, Müslüm Gursəs, Kibariyə, Ajda Pekkan, Zeki Müren, Demet Akalın, Ferdi Tayfur, Gülbən Ərgən, Muazzez Ərsoy, Linet və bir çox sənətkarlarla çalışıb.
Əhəd Miriyev
Muz-Tv.az