Britni Spirs konsert zamanı səhnədə yıxıldı

Pop müğənni Britni Spirs 2 gün öncə Las-Veqasda verdiyi konsert zamanı səhnədə yıxılıb.

    Pop müğənni Britni Spirs 2 gün öncə Las-Veqasda verdiyi konsert zamanı səhnədə yıxılıb. Axşam.az-ın xarici KİV-ə istinadən məlumatına görə, 33 yaşlı ifaçının "You drive me" mahnısını oxuyarkən ayağı burxulub. Lakin Britni ifasını davam etdirərək rəqqasların köməkliyi ilə ayağa qalxıb. Daha sonra o, Tvitter hesabında hər şeyin yaxşı olduğunu deyib.

    Adriana Lima və digər tanınmış modellər yeni reklama çəkiliblər. Onlar videoda "Çarlinin mələk"ləri filminin obrazları kimi, sanki hansısa təhlükəli tapşırığa hazırlaşırlar. Sonda isə okean kənarında məşhur brendin geyimlərini nümayiş etdirirlər. Bütün bunların fonunda isə di-ceylər Aksvella və Sebastyan İnqrossonun "Sun is shininig" mahnısı gedir. Reklam klipində Adriana ilə yanaşı Nataşa Poli, Coan Smolls və Dautsen Krez iştirak edib.

    "Barselona"nın futbolçusu Lionel Messi ikinci dəfə ata olacaq. Bu barədə argentinalı hücumçu özünün "İnstaqram" hesabında yazıb. O, sevgilisi Antonella Rokuzzonun hamilə olduğunu açıqlayıb: "Körpəmizi gözləyirik, səni sevirik". Qeyd edək ki, Lionel Messi və Antonella Rokuzzo cütlüyünün Tiaqo adlı bir oğlu var.

     Rejissor Mahsun Kırmızıgül Diyarbakırda səhnəyə ilk dəfə çıxdığı zaman çəkilmiş fotosunu paylaşıb. Sənətçi qardaşının da yer aldığı şəklə “Mustafa və mən. Diyarbakırda səhnəyə çıxdığım ilk gün... Ən həyəcanlı günüm… Alqışlar, səhnə möhtəşəm idi” sözlərini yazıb.

 

Əhəd Miriyev

 

Muz-Tv.az