Otilia ilə Sərdar Ortaç duet oxuyacaq

Dünya hitinə çevrilən “Bilionera” ilə tanınan rumın müğənni Otilia türkcə mahnı oxuyacaq. 

      Dünya hitinə çevrilən “Bilionera” ilə tanınan rumın müğənni Otilia türkcə mahnı oxuyacaq. Axşam.az Türkiyə mətbuatına istinadən xəbər verir ki, Sərdar Ortaçla duet ifa etməyə hazırlaşan sənətçi həyəcanlı olduğunu dilə gətirib. Otilia ilə Sərdarın duetinin eyni anda 20 ölkədə yayımlanması nəzərdə tutulur.

      Meksikalı aktrisa Salma Hayek Livanda məskunlaşan Suriya qaçqınları ilə görüşüb. YUNİSEF-in xeyriyyə proqramı çərçivəsində qaçqınlar düşərgəsinə baş çəkən aktrisa aclıq və yoxsullaqdan əziyyət çəkənlərlə maraqlanıb. Salma rəsmi müraciətində deyib: “Milyonlarla uşaq öz uşaqlığından, evindən və yaxınlarından ayrı düşüb. Suriya münaqişəsi nəticəsində təhsildən uzaqlaşıblar. Onlar ailələrinə baxmaq üçün işləmək məcburiyyətindədirlər”. S.Hayek hamını xeyriyyə aksiyasına qoşulmağa və Suriya uşaqlarına yardım etməyə çağırıb.

     Müğənni Gülbən Ərgən telejurnalist həyat yoldaşı Ərxan Çəliklə Bodrum sahilində balıq yeyərkən görüntülənib. Cütlük dəniz kənarında romantik anlar yaşayıb. Gülbən yemək əsnasında şalvarının balağını qatlayaraq günəş enerjisi qəbul edib.

     “Rəcəb İvedik” filmləri ilə tanınan aktyor Şahan Gökbakar aktrisa Selin Ortaçlı ilə evlənir. Yumor ustası 3 ildir birlikdə olduğu sevgilisini ailəsi ilə də tanış edib. Xoş xəbər hər iki tərəfin valideynlərini çox sevindirib. Yaxın günlərdə ailə qurmaları gözlənilən cütlüyün belə ani qərar verməsinin səbəbi kimi Selinin dörd aylıq hamilə olması göstərilir. İddialara görə, S.Ortaçlı körpəsini xarici ölkədə dünyaya gətirəcək.

 

Əhəd Miriyev

 

Muz-Tv.az