Penelopa Kruz ən seksual qadın seçildi

ABŞ-ın məşhur “Esquire” kişi jurnalı ispan aktrisası Penelopa Kruzu “Yaşayan ən seksual qadın” seçib. 

    ABŞ-ın məşhur “Esquire” kişi jurnalı ispan aktrisası Penelopa Kruzu “Yaşayan ən seksual qadın” seçib. Axşam.az-ın məlumatına görə, “İspan atəşi” adlandırılan 40 yaşlı aktrisa hazırda “Zoolander 2” filminə çəkilir. Bundan başqa, Penelopa “Karib dənizinin quldurları 5” filmindəki Ancelika obrazı ilə də ekranlara dönməyə hazırlaşır.

     Aktyor Kıvanç Tatlıtuğ “GQ Türkiye” jurnalına müsahibə verib. Təbiəti çox sevdiyini deyən aktyor uzaq qəsəbələrdə onu heç kimin tanımadığını və bundan böyük həzz aldığını deyib: “Çox vaxt bilmirlər kiməm. Tanısalar da, o qədər əhəmiyyət vermirlər. Sənə çay süzürlər və söhbətə başlayırlar. Bunu çox sevirəm. Adamların təbii və səmimi olduqları mühiti xoşlayıram. Pul, şöhrət insana xoşbəxtlik vermir. Meşədə 3-4 nəfər dostumla dincəlmək, at çapmaq mənim üçün dünyadakı ən böyük xoşbəxtlikdir”.

     Keçmiş futbolçu Devid Bekhem ailəsi ilə xeyriyyə marafonunda iştirak edib. 12 yaşlı Romeo 5 kilometrlik yolu piyada qət edərək UNAİDS-in (HİV əleyhinə təşkilat) büdcəsinə 6 min funt sterlinq qazandırıb. Marafonun finalında o, anası modelyer Viktoriya Bekhem, atası, qardaşları Bruklin və Kruzla fotolar çəkdirib. Bruklin qardaşının şərəfinə onun adı yazılan köynək geyinib.

     Aktrisa Tuba Büyüküstün aktyor həyat yoldaşı Onur Saylak və əkizləri – Maya, Toprakla bərabər səhər yeməyi zamanı görüntülənib. Əhvalı yüksək olan aktrisa O.Saylakla zarafatlaşmaqdan belə qalmayıb.

 

Əhəd Miriyev

 

Muz-Tv.az