Emin Bakıda əkizləri ilə istirahət edib

Müğənni-bəstəkar Emin yenidən Bakıya gəlib. Axşam.az-ın məlumatına görə, Moskvada yaşayan ifaçı əkizləri ilə istirahət edib. 

    Müğənni-bəstəkar Emin yenidən Bakıya gəlib. Axşam.az-ın məlumatına görə, Moskvada yaşayan ifaçı əkizləri ilə istirahət edib. O, oğulları Əli və Mikayılla fotolarını sosial şəbəkədə paylaşıb.

    Müğənni Samira Allahverdi yaşadığı həyat tərzindən danışıb. İfaçı açıqlamasında bunları qeyd edib: “Yaşadığım həyat tərzi imkan vermir ki, kinli olum. Əvvəl nəyəsə kin bəslədiyim hallar olub. Axır vaxtlar bunun qarşısında o qədər acizəm ki... Hər şeyi tez unuduram.Mənim bir həyat amilim var: hər an insanın başına hər şey gələ bilər. Özümü ələ almağı bacarıram. Kiməsə qarşı əsəbim ola bilər. O isə bir saniyəlikdir. Çox ürəyiyumşağam. Bir müğənni ilə neçə il danışmadım. Ona kin belə bəsləmirdim. Heç əsəbi də deyildim. Sonra bizi barışdırdılar".

    Müğənni İzzət Bağırov onu özündənrazı adlandıranlara ismarış göndərib. İfaçı açıqlamasında sənətdə möhür vurduğunu və özündən razı olmağa haqqı çatdığını deyib: “Məni tanıyanlar bilirlər ki, özümdən razı deyiləm. Bir də, axı niyə də olmayım? 13-14 yaşımdan səhnədəyəm. Həmişə də populyarlığımı qoruyub saxlamışam. Səsim səs, sənətim sənət... Qabiliyyətim, qanacağım, savadım, ağlım da öz yerində... 26 ildir sükanı necə lazımdır, saxlayıram. Konsertlər vermişəm, filmə çəkilmişəm, saysız-hesabsız albomlarım var, 70-ə yaxın klip çəkdirmişəm, pərəstişkarlarım yetərincədir. Möhür-möhür üzərinə vurmuşam. Özümdən razıyam, yaxşı eləyirəm. Məni bəyənməyənlər ola bilər. Maykl Ceksonu da sevməyənlər var idi”.

   Əkiz Sevil-Sevinc bacıları şou-biznesdə onları gözü götürməyənlərdən danışıblar. Bacılar açıqlamasında qısa müddətdə uğur qazandıqları üçün tez-tez tənqid olunduqlarını bildiriblər: “İllərlə televiziyada aparıcılıq edən müğənnilərə bu gün 2 saatlıq efir verilmir. Qısa müddət ərzində uğur əldə etdik. Təbii ki, bu da bəzi şou-biznes nümayəndələrinə xoş təsir bağışlamadı. Əsas odur ki, qapılarımızı bağlayan Allah olmasın. Biz hər dəfə susuruq. Bilirik ki, susan həmişə udur, amma artıq susmaq istəmirik. Digər şou-biznes nümayəndələri də bizim kimi başlarını aşağı salıb öz işlərini görsəydilər, uğur qazanardılar. Onlar iş görməkdənsə, bizi və ya başqa bir həmkarımızı vurmağa çalışırlar. İllərlə sənətdə, televiziyada olan insanlar bizim paxıllığımızı çəkməlidirlər. Çünki bizim qazandığımız uğuru, tamaşaçı sevgisini qazana bilməyiblər. Onlar bilsinlər ki, bizi tənqid etdikcə biz güclənirik”.

 

Əhəd Miriyev

 

Muz-Tv.az