Elza Seyidcahan küsülü olduğu aktyorlarla barışdı

Əməkdar artist Elza Seyidcahan küsülü olduğu “Planeta Parni iz Baku”nun aktyorları ilə barışıb. Axşam.az-ın məlumatına görə,sənətçi bu haqda açıqalamasında bildirib. 

   Əməkdar artist Elza Seyidcahan küsülü olduğu “Planeta Parni iz Baku”nun aktyorları ilə barışıb. Axşam.az-ın məlumatına görə,sənətçi bu haqda açıqalamasında bildirib. O, dünən teatrın “Hamı AvrOppalara” adlı konsertinə qatılıb: “Teatrın konsertini izləməyə getdim. Aramızdakı küsülülük bitdi”. Qeyd edək ki, əməkdar artist Tahir İmanov E.Seyidcahanın Mikayıl Müşfiqin əsərini "Ha-ha ha..." tərzdə ifasını parodiya etmişdi. Müğənni bu parodiyadan sonra aktyorlardan incimiş, onları məhkəməyə verməklə hədələmişdi.

    Xalq artisti İlhamə Quliyeva müğənni Azəri Günel Zeynalovadan inciyib. Bu barədə G.Zeynalova açıqlamasında bildirib. O,verilişlərin birində başına tac qoymasının və “Yeni kraliça gəlir” sözlərinin xalq artistinin xoşuna gəlmədiyini deyib: “Tac qoymuşdum, atama deyib ki, yalnız mən primadonnayam. Mənim heç kimin taxt-tacında gözüm yoxdur. Hərənin yeri özü üçündür. İlhamə xanım, sizə hörmətim sonsuzdur, mən sizi çox istəyirəm. Atama görə də sizə sayğım daha çoxdur. Mən demişdim ki, balaca kraliçayam. Yəni, sizin kraliçalığınızda gözüm yoxdur. Belə şeylərə inanmayın. O tac sadəcə mənim şıltaqlığım idi. İlhamə xanım kimi sənətkarlar olmasaydı, biz də olmazdıq. Biz onun balalarıyıq. Ona bəzi sözləri başqa cür çatdırıblar, o da deyib incimişəm. Mən kimsədən titul istəmirəm. Mənim öz adım var - Azəri qızı Günel”.

    Müğənni Röya Ayxan kişi həmkarlarını yaltaqlıqda günahlandırıb. Sənətçi açıqlamasında yerli şou-biznesdəki duet ortaqlarını bəyənmədiyini etiraf edib: “Duet ortaqlarının çoxu bir-birinə yaraşmırlar. Nə görünüşcə, nə də səs tembri ilə uyğun gəlmirlər. Yalandan “bunun adı var onla oxuyum” deyirlər. Bizdə duetlə yaltaqlığı səhv salıblar. Ən çox da oğlanlar qızlara yaltaqlıq edir. Duet bir-birinə dəstək olmaqdır. Mən Xəyyama, Cinə dəstək oldum. Mahnı hər iki ifaçıya fərqli tərz gətirəcək. Bu artıq Röya dəsti-xəttidir. Mən kimisə önə çıxardıram. Və buna görə də sevinirəm”.

    Müğənni-rəqqasə Sevda Sanəliyeva yeni doğulan oğlunun fotosunu paylaşıb. Sənətçi şəkilə “Canım oğlum Elgünüm, yaşamağımın tək səbəbi” sözlərini yazıb. Qeyd edək ki, S.Sanəliyeva ötən ilin iyununda ailə qurub. O, bu ilin fevralında ana olub.

 

Əhəd Miriyev

 

Muz-Tv.az