Sultan Süleyman hər seriya üçün 100 min alacaq

“Möhtəşəm yüz il”in Sultan Süleymanı Halit Ərgənç serial bitdikdən sonra ekrana birillik fasilə vermişdi. 

    “Möhtəşəm yüz il”in Sultan Süleymanı Halit Ərgənç serial bitdikdən sonra ekrana birillik fasilə vermişdi. Axşam.az-ın Türkiyə mətbuatına istinadən məlumatına görə, aktrisa Məryəm Üzərliyə 2 milyon lirə (təxminən 771 min manat) ödəyərək müqavilə imzalayan “O3” prodüser şirkəti bu dəfə H.Ərgənçlə razılığa gəlib. Adı hələ açıqlanmayan layihədə aktyor hər seriya üçün 100 min lirə (təxminən 39 min manat) alacaq. Halitə artıq ilk 13 bölümün qonorarı olan 1 milyon 300 min lirə (təxminən 501 min manat) nağd ödənilib.

     Dünyanın ən məşhur ekran işlərindən sayılan "Game of Thrones"un ("Taxt oyunları") əsas rollarından birini canlandıran Emilia Klark cəsarətli səhnələrdə dublyordan istifadə edirmiş. Aktrisaya əkizi qədər bənzəyən Rozi Mak "Danerys Targaryen"in əsasən sevişmə səhnələrində yer alır. Sosial şəbəkədə Rozinin Emiliadan daha gözəl olduğunu söyləyənlər az deyil. Dublyor qız serialın digər qəhrəmanları ilə də yaxından tanışdır.

    Müğənni Gülbən Ərgən telejurnalist həyat yoldaşı Ərxan Çəliklə dəniz sahilində gəzərkən obyektivlərə tuş gəlib. Yeni serial layihəsinin olub-olmaması ilə bağlı suala Gülbən “Mənim həyatım, onsuz da bir kinodur” cavabını verib. G.Ərgənin əksinə olaraq, Ə.Çəlikin artıq çəkiləri diqqətdən yayınmayıb.

    Müğənni Atiyə Dəniz İstanbulda verdiyi konserti zamanı geyimi ilə gündəmə gəlib. İfaçı sevənlərinin qarşısına dərin yarığı olan libasla çıxıb. Səhnədəki çıxışı zamanı geyiminə nəzarəti itirən Atiyənin alt paltarı görünüb. Bir neçə dəfə təkrar olunan hadisəni fanatları təəccüblə izləyiblər.

 

Əhəd Miriyev

 

Muz-Tv.az