Röya Ayxan: “Sevil Sevinc bacıları mənim fanatımdır”

Müğənni Röya Ayxan özünü ona bənzədən həmkarlarından da danışıb. Sənətçi açıqlamasında bunları bildirib: “Mən sevinirəm ki, gənc həmkarlarım mənim açdığım cığırla gedirlər. 

    Müğənni Röya Ayxan özünü ona bənzədən həmkarlarından da danışıb. Sənətçi açıqlamasında bunları bildirib: “Mən sevinirəm ki, gənc həmkarlarım mənim açdığım cığırla gedirlər. Əkiz Sevil Sevinc bacıları mənim fanatımdır, onları mən ilk təqdim etmişəm. Amma soruşsanız, deyəcəklər ki, özümüzü Röyaya bənzətmirik. Sevinirəm ki, mənim yolumla gedirlər”.

    Əməkdar artist Almaz Ələsgərli bundan sonra qızları ilə bağlı heç bir açıqlama verməyəcək. Müğənni açıqlamasında Əminə və Mədinəyə söz atanın cəzasını verəcəyini bildirib: “Övladlarımla bağlı nəsə deyənin gözünü çıxardaram. Onlarla bağlı mövzuları bağlamışam. Bundan sonra heç yerdə qızlarımdan danışmayacam. Ailəmlə bağlı suallar verilməsin. Nə vaxt istəsəm, özüm danışaram. Qızlarım kameradan uzaqdırlar. Bu yaxınlarda bir veriliş qızımı çəkmək istədi. Razılaşmadı. Dedi ki, ana, nə istəyirsən edim, amma efirə çıxmayım. Mən də heç nə demədim”.

    Müğənni Sevinc Musayeva istirahətə yollanıb. Sənətçi Xızı səfərindən fotoları sosial şəbəkədə paylaşıb. *

   Müğənni Elariz Məmmədoğlu həmkarlarını saxtakarlıqda günahlandırıb. İfaçı açıqlamasında sənətçilərin toy dəvəti alanda ev yiyəsini aldatdığını iddia edib: “Bir müğənni ilə bütov toy danışırlar. Amma ifaçı girir oxuyur, toy sahibinin başı qarışanda, qaçır başqa məclisə. Dəfələrlə bunun şahidi olmuşam. Yarım saatlıq toya getmişəm, məni təqdim edəcək müğənni olmayıb. Elə sənətçi var ki, gündə beş toy danışır. Heç vaxt belə şey etmirəm. Gündə ancaq bir toya razılıq verərəm. Məsələn, Akif Süleymanbəyli ansamblından istifadə edir. Bir dəstəsi var. Digərlərinə isə ağ pencək geyindirir, olur Akif Süleymanbəylinin dəstəsi. Beləcə, gündə bir neçə toyda olur. Ev yiyəsi musiqiçiləri tanımır ki, elə bilir həqiqətən də o ansambldır. Bunu bütün şəhər bilir. O, bir gündə beş toyda ola bilir. Belə saxtakarlara aldanmayın, ayıq olun. Müğənnini bütov toya çağıran məclis yiyəsi haqqını tələb etsin. Çünki bütov toyun ayrı, yarımsaatlığın başqa qiyməti var".

 

Əhəd Miriyev

 

Muz-Tv.az