Nadir Qafarzadəyə mahnı hədiyyə etdilər
Müğənni Nadir Qafarzadə yaradıcılığındakı yeniliyi təqdim edib. İfaçı bildirib ki, sözləri və musiqisi Seyidəli Əsgərova məxsus "Deyə bilmədim" adlı...
Müğənni Nadir Qafarzadə yaradıcılığındakı yeniliyi təqdim edib. İfaçı bildirib ki, sözləri və musiqisi Seyidəli Əsgərova məxsus "Deyə bilmədim" adlı bəstəni lentə aldırıb: "Yeni mahnım bu gün işıq üzü gördü. Bu mahnı mənə hədiyyədir. İlk dəfə qulaq asan kimi bəyəndim. Mənim üçün əsas mahnın sözləri ilə musiqinin bir-birini tamamlamasıdır.Düşünürəm ki, bu mahnının sözləri daha da gözəldir. Həyatda elə insanlar var ki, gizli sevgi yaşayırlar. Sevdiklərini dilə gətirməyə çəkinirlər. Belə deyək də, sadəcə, uzaqdan sevməklə kifayətlənirlər. Məhz bu mahnı da həmin insanlar üçündür.
Müğənni İzzət Bağırzadə verilişlərin birində pis vərdişlərdən həmişə uzaq olduğunu deyib:“Universitet illərində səsimi qoruyurdum. Sonra heç nə etməmişəm. Gözəl səsi olan sənətkarlarımız olub ki, illər keçdikdən sonra səsi batıb. Çünki içki içib, siqaret çəkib. Gələn ay 39 yaşım olacaq. Bu günə kimi heç vaxt spirtli içkidən, siqaretdən istifadə etməmişəm. Elə şeylər var ki, insana həqiqətən də ziyandır. Bunları etməməyə çalışmışam”.
Əməkdar artist, “Bu şəhərdə”nin aktyoru Rəfael İsgəndərovun ad günü olub.Axşam.az-ın məlumatına görə, o, xoş gününü dostları ilə birlikdə qeyd edib. Rafael İsgəndərovu təbrik edənlər arasında müğənni Röya Ayxan da yer alıb. O, aktyora tort apararaq, sürpriz edib. İfaçı həmin anı lentə aldığı videonu sosial şəbəkədə paylaşaraq “Sevənlərin və dostların adından təbrik edirəm. Gec də olsa təbrikə çatdım. İndi əməkdar artistsən. O gün olsun ki, xalq artisti olasan" sözlərini yazıb.
Xalq artisti Nazpəri Dostəliyeva şəxsi instagram səhifəsində kimsəsiz şəxslərə əl tutmağından danışıb: "Bu günə kimi mən, Nazpəri Dostəliyeva, nə qədər kimsəsizə, ana, ata, övlad qayğısı, sevgisi görməyənlərə əl tutmuşam, yardım etmişəm. Bunu yazmağımı başqa cür yozmayın. Dürüst, dərin düşüncəli insanlar başa düşəcəklər. Onlardan biri də artdı, Allah yolunda. Susuram, susuram, çünki bu mənim böyüklüyümdür. Ağır danışana yem yox!" - xalq artisti yazıb.
Elyar Sadıqlı
Muz-Tv.az