Demet Akalının konsertindən öncə bomba həyəcanı yaşanıb

Barbadoslu müğənni Rihanna "V Magazine" jurnalı üçün fotosessiya etdirib.

   Barbadoslu müğənni Rihanna "V Magazine" jurnalı üçün fotosessiya etdirib. Qeyri-adi fotolar çəkdirən sənətçi həm də son iki ildə dayanmadan işləməsi və yeni layihələr etməsi haqda danışıb.  İfaçı son bir ildə buraxacağı ikinci albomu haqqında da xəbər verib.

   Türkiyənin Manisa şəhərində Demet Akalının konsertindən öncə bomba həyəcanı yaşanıb. Məktəbli bir uşağın çantasını qoyub getməsi konsertin baş verəcəyi meydanda qorxulu anlara səbəb olub. Sahibsiz çanta şübhə doğurduğu üçün hadisə yerinə polis əməkdaşları gəlib.  Festival çərçivəsində müğənninin səhnəyə çıxmasını gözləyən sevənləri həmin uşağın tapılmasından sonra sakitləşiblər. Təxmini 45 dəqiqə davam edən araşdırmadan sonra izdiham D.Akalın üçün yenidən meydana toplaşıb.

   Aktrisa Beren Saatın son fotosu fanatlarını sevindirib. Müğənni Kənan Doğulu ilə evli olan aktrisa ana olmaq üçün karyerasına ara verib. Ankarada həyat yoldaşı ilə şərikli məkan işlədən Berenin keçən günlərdə çəkdirdiyi fotoda hamilə kimi görünməsi müzakirəyə səbəb olub. Özü etiraf etməsə də, sevənləri onun tezliklə ana olacağını düşünürlər. Qeyd edək ki, bir müddət əvəl B.Saatın əkiz uşaqlara hamilə olması iddiası irəli sürülmüşdü. Lakin sənətçi "Mənim kimi zəif bir bədənli insanda hamiləlik gizlənilə biləcək bir xəbər deyil" deyərək şayiələri təkzib etmişdi.

   Müğənni Mayli Sayrus və Patrik Şvarsneqqer artıq ayrılıblar. Son zamanlar münasibətlərinin pis dönəmini yaşayan cütlüyün ayrılması xəbəri dəqiqləşib. Maylinin yaxın dostları deyir ki, "Bu, onların münasibətlərinə verdiyi fasilə deyil. Bu, sondur, çünki çox müxtəlif insanlardır. Patrik kollec tələbəsidir, Mayli isə bütün diqqətini musiqiyə verib". Lakin müğənninin bu ayrılıqdan təsirləndiyi hiss olunmur. İnstaqram səhifəsində paylaşdığı fotolarda Sayrusun bütün gününü əyləncədə keçirdiyi görünür. Hətta fotolardan birində o, "Dünyanın ən xoşbəxt insanı" sözlərini yazıb. Patrik isə tez-tez kollec dostları ilə fotolarını paylaşır. Qeyd edək ki, Hollivud aktyoru Arnold Şvarsneqqerin oğlu olan Patrikin M.Sayrus ilə münasibəti ailəsi tərəfindən dəstəklənmirdi. İfaçı ilə sevgi yaşadığı üçün atası onu mirasından da məhrum etmişdi.

 

Sevda Məmmədova

 

Muz-Tv.az