Sinan Akçıl və Hadisə barışırlar

Müğənni Sinan Akçıl aparıcı Ebru Şallıdan ayrıldıqdan sonra sosial şəbəkədəki paylaşımı ilə hər kəsi təəccübləndirib.

    Müğənni Sinan Akçıl aparıcı Ebru Şallıdan ayrıldıqdan sonra sosial şəbəkədəki paylaşımı ilə hər kəsi təəccübləndirib. Axşam.az-ın Türkiyə mediasına istinadən məlumatına görə, Akçıl Ebrudan əvvəl iki il sevgili olduğu müğənni Hadisənin oxuduğu "Biraz sabret" mahnısını paylaşıb. "Görsəm də, görməsəm də, uçub gəlməsən də..." sözləri ilə Hadisəyə mesaj verdiyi təxmin edilən Sinan həm də bu mahnının müəllifidir. Paylaşımın ardından fanatlar Hadisənin buna necə reaksiya verəcəyini, onların barışıb-barışmayacaqlarını müzakirə etməyə başlayıblar.

    Müğənni Castin Timberleyk və aktrisa Cessika Bil yeni doğulmuş oğullarının ilk fotosunu təqdim ediblər. Castin İnstaqram hesabında həyat yoldaşı və oğlu Saylas Rendalın şəklin paylaşıb. Qeyd edək ki, aprelin 11-də valideyn olan cütlük 2007-ci ildən bir yerdədirlər

    Müğənni Selena Qomezin çimərlikdəki son fotoları sosial mediada müzakirəyə səbəb olub. Meksika tətilində olarkən çəkilən fotolarda kök görünən müğənninin bu görünüşü fərqli fikirlər yaradıb. Belə ki, bir qisim insan "Şişirdiləcək bir şey yox, normal bir qadın", "Selena bir dəri, bir sümük olmadığı üçün onu belə tənqid edə bilməzsiniz", "Siz kök qadın görməmisiniz" deyə sənətçini müdafiə edib. Bəziləri isə tam əksini söyləyərək Selenanın bu formasının pis göründüyünü yazıb. Bütün bu tənqidlərin ardından mediada Selenanın çimərlikdə yeni fotoları yayılıb.

    Bu yaxınlarda ABŞ-da əməliyyat olunan müğənni İbrahim Tatlısəslə bağlı yeni xəbər var. O, yenidən "İbo şou" proqramıyla efirlərə dönəcək. Artıq xəstəxanadan buraxılan sənətkarin verilişində ilk qonaq yaxın dostu və ABŞ-da tez-tez onu ziyarət edən müğənni Sibel Can olacaq.

 

Sevda Məmmədova

 

Muz-Tv.az