Elza Seyidcahan: "Səs-küy yaradacaq layihə gəlir"

Əməkdar artist Elza Seyidcahan tələbəsi Hacıağa Bağırovla yeni layihə hazırlayıb.

    Əməkdar artist Elza Seyidcahan tələbəsi Hacıağa Bağırovla yeni layihə hazırlayıb. O bildirib ki, tələbəsi ilə birgə təqdim edəcəyi yeni layihənin Azərbaycanda analoqu yoxdur: “Hər zaman istedadlı gənclərlə işbirliyi qurmuşam. Bu günə qədər şou-biznesdə bir çox tanınmış müğənnilərlə layihələr etmişəm. Həmin layihə çox müzakirələrə səbəb olub. Amma onu da deyim ki, Hacıağa ilə birgə bir müddət sonra təqdim edəcəyimiz bu layihə səs-küyə səbəb olacaq”.

    Əməkdar artist Almaz Ələsgərli peşman olub . Axşam.az-ın məlumatına görə, müğənni burnunu əməliyyat etdirdikdən sonra bəyənmədiyini bildirib:“Köklüyüm mənim üçün kompleks deyil. Gənc yaşlarımda burnumu bəyənmirdim. Güzgüyə baxıb, özümə irad tuturdum. 2002-ci ildə Rəhim Rəhimlinin sözünə uydum. Burnumu kəsdirdim, çox peşman oldum. İndi o burunla qalsaydım, daha yaxşı idi".

    Xalq artisti Nazpəri Dostəliyeva haqqında gəzən söz-söhbətlərdən danışıb.Lent.az-ın məlumatına görə, ifaçı illər öncə idman edərkən çəkdirdiyi şəkli paylaşaraq, bu sözləri yazıb: “Salam olsun hər kəsə. Çox xoşbəxtəm ki, mənim sizin kimi sevənlərim var. Başqa sözlər mənə vız gəlir. Allah hamını şərdən, böhtandan, iki üzlü insanlardan qorusun. Sağlamlığınıza fikir verin. İdman edin ki, həmişə cavan, gözəl və qamətli qalasınız. Çünki bu prinsipləri gözü götürməyib, çatlayanlar var. Ona görə də mən ömür boyu prinsiplərə əməl edirəm”.

    Müğənni Sevda Yahyayeva yaradıcılığından danışıb.  Ifaçı bildirib ki, musiqisi Muxtar Abhuseynova, sözləri Nicat Zeynallıya məxsus “İlk addım” adlı mahnını oxuyub:  “Bir neçə uğurlu mahnı üzərində çalışıram. Mahnı estrada janrındadır, bəstəni bir müddət sonra tamaşaçılar həm radiolarda,  həm də "Youtube" kanalımda dinləyə biləcək. Bir müddət sonra isə digər yeni mahnılarımı təqdim edəcəm. Mahnıdan istədiyim uğuru əldə edə bilsəm, klip çəkdirməyi düşünürəm. Sadəcə bizdə kliplərə maraq azalıb. Çəkdirdiyim klipi hansı verilişdə nümayiş etdirim? Müğənni bir klipə pul qoyur, zəhmət çəkir, lakin kimsə yayımlamır. Fikrimcə, Azərbaycanda klip çəkdirmək, artıq xərcdir”. 

 

Elyar Sadıqlı

 

Muz-Tv.az