Arif Quliyev teatrdan getdi

Xalq artisti Arif Quliyev teatrdan uzaqlaşıb.Lent.az-ın məlumatına görə  aktyor yalnız filmlərdə rol alacağını deyib: “Teatra əlvida demişəm. Özəl filmlər çəkilməyə başlayıb. 

    Xalq artisti Arif Quliyev teatrdan uzaqlaşıb.Lent.az-ın məlumatına görə  aktyor yalnız filmlərdə rol alacağını deyib: “Teatra əlvida demişəm. Özəl filmlər çəkilməyə başlayıb. Onlara dəstək olmalıyıq. Bir gün çəkilişdə oldum 500 manat aldım. Sağ olsunlar. Filmlərdə rol alacam. Ən böyük arzum veriliş açmaqdır. Adı “Təbəssüm qatarı” olsun. Oturum yumordan danışım. Buna da maddiyyat lazımdır. Hələ ki, sponsor mənə rast gəlməyib”.

    Xalq artisti Zülfiyyə Xanbabayeva sevənlərinə sürpriz hazırlayır . Publika.az xəbər verir ki, xanım müğənni kişi həmkarı ilə duet oxuyacaq.Görəcəyi işlər barədə əvvəlcədən məlumat verməyi sevməyən xanım ifaçının cazmenlə işbirliyi artıq reallaşıb. Belə ki, duet ifa etmək üçün Xanbabayeva cazmen Fərid Əsgərovla bir araya gəlib.Qeyd edək ki, Fərid Əsgərov Rusiyada keçirilən “Qolos” səs müsabiqəsindən sonra məşhurlaşıb. Duetin yaxın günlərdə təqdim ediləcəyi bildirilir.

    Müğənni İradə İbrahimova həmkarı Günay İbrahimli ilə münasibətinə aydınlıq gətirib.  Axşam.az-ın məlumatına görə, sənətçi onun ünvanına təriflər yağdırıb: “Çox yaxşı qızdır. Gözəl səsi və sənəti var. Mənə bənzərliyi ola bilər: qaş, göz, davranış. Biz də sənətə gələndə özümüzdən böyüklərə baxıb, onlardan nəsə götürmüşük. Sonra isə hər kəs öz yolunu tapır. Günay da öz yolunu tapıb. Sevənləri var. Onu həqiqətən tanımırdım. Bakıya gələndə tanış olduq. Bir dəfə İnstaqramda fotosun paylaşıb, yazmışdı: “Burada sənə oxşayıram”. Günayın bu hərəkətinə əsəbiləşmişdim ki, özündən böyüyə və tanımadığın birinə “sən” yox, “siz” deməlisən. Ona cavab yazdım: “Siz məndən də gözəlsiniz”. Sonra bu haqda ona heç nə demədim”

    Müğənni Kərim Abbasov xəyanətdən danışıb. "Dörd il bundan əvvəl ailə quranda xanımıma söz verdim: "Nə qədər birlikdəyik, səni başqa qadına dəyişməyəcəm". Bu müddətdə bir dəfə də sözümdən dönmədim. Ona heç vaxt xəyanət etməmişəm. Əgər mən o xanımı sevib almışamsa, niyə aldadım ki? Amma həyat yoldaşım mənə inanmır. Deyir ki, ola bilməz sən bir dəfə də olsun, başqa qadınla görüşməyəsən. Xanımlarda da belə xüsusiyyət var, inanmırlar".Qeyd edək ki, K.Abbasov Təranə adlı xanımla ailə qurub. Cütlüyün Seyid adlı oğlu var.

 

Elyar Sadıqlı

 

Muz-Tv.az