İradə İbrahimova onu qınayanlara cavab verdi

Müğənni İradə İbrahimova yeni fotosessiyasından sonra tamaşaçılar tərəfindən qınanmasından danışıb: Sənətçi bunu uzun...

    Müğənni İradə İbrahimova yeni fotosessiyasından sonra tamaşaçılar tərəfindən qınanmasından danışıb: Sənətçi bunu uzun müddət izləyicilərin qarşısına o cür geyimlərlə çıxmaması ilə əlaqələndirib:“Bu fotossesiya haqda ailəmizdə də danışdıq. İnsanlar məni o cür görmək istəmirlər. Çünki mən səhnədə həmişə bağlı geyinmişəm. Çalışmışam açıq-saçıqlıq olmasın. Yəqin tamaşaçılar uzun fasilədən sonra bir anda o cür şəkillərlə qarşılarına çıxmağımı qəbul edə bilməyiblər. O fotosessiyanı peşəkar komanda ilə etdirmişəm. Mənə dedilər siz sənətçisiniz, bu pozlar normaldır. Ancaq tamaşaçılar nə desələr haqlıdırlar. Çünki bizi yüksəklərə qaldıran da, endirən də onlardır”. 
   Röya Ayxan, oğlunu da götürüb ölkədən gedəcəyini deyib. Axşam.az-ın məlumatına görə, "Sənə "oxuma" desələr, nə edərsən" sualına o, belə cavab verib:"Oğlumu da götürüb çıxıb gedərəm bu ölkədən. Çünki heç kimə inanmıram. Heç sevənlərimə də inanmıram. Mən bu sözbazların içində oturmaram. Oxumayandan sonra dedi-qodular çoxalacaq. Ya gərək kimisə öldürüm qatil olum, ya da özümü öldürüm, oğlum tək qalsın. Ən yaxşısı isə uşağımı götürüb çıxıb getməliyəm”. 

    Əməkdar artist Elza Seyidcahan həmkarı Teymur Əmrahın onunla bağlı dediyi “Oxumasın, ancaq bəstəkarlıq etsin” sözlərinə münasibət bildirib:  “Teymur müəllim bu sözləri pis mənada deməyib. O istəyir ki, mən gözəl bəstələr hazırlayıb, onun kimi sənətkarlara verim. Müğənnilər də əvəzində mənə dəstə-dəstə pullar gətirsinlər. Amma fəxr edirəm ki, mən oxumağı bacarıram. Yazıq o bəstəkardır ki, ifa etmək qabiliyyəti yoxdur.

    Rejissor Fuad Əlişov yeni çəkilən yerli filmlərdən söhbət açıb. “Qafqazinfo”ya açıqlamasında rejissor bildirib ki, filmlərdə çatışmazlıqlar olsa da, bu sahədəki inkişaf onu sevindirir: “Sevindirici haldır ki, film sektoru inkişaf edir. Tamaşaçılar xarici filmləri izləməkdən bezmişdilər, indi sevə-sevə milli filmlərə baxmağa gəlirlər. Demək olar ki, mən də yeni çəkilən filmlərin əksəriyyətinə baxmışam. Rejissorlar əsasən komediya janrına üz tuturlar, tamaşaçıların sevdiyi aktyorları çəkirlər ki, izləyicilərin sayı çox olsun. Yeni filmlər ideal deyil, amma izləmək olar. Mən bu filmlərə rejissor gözü ilə deyil, tamaşaçı kimi baxıram”.

 

Elyar Sadıqlı

 

Muz-Tv.az