Elnur Hüseynovun Macarıstandakı promo-turundan video

Azərbaycanı "Eurovision-2015"də təmsil edəcək Elnur Hüseynov Macarıstanda promo-turdadır.

    Azərbaycanı "Eurovision-2015"də təmsil edəcək Elnur Hüseynov Macarıstanda promo-turdadır. Əvvəlcə М1 telekanalının “Kívánságkosár” səhər şousunun qonağı olan E.Hüseynov "Hour of the wolf" mahnısını oxuyub. Daha sonra isə aparıcının suallarını cavablandırıb. O, "Eurovision-2008" və "O səs Türkiyə"dəki uğurları haqqında da danışıb. Həmyerlimiz macar jurnalistlər üçün azərbaycanca "Saçlarına gül düzüm" mahnısını da ifa edib. Səfər zamanı Elnur bu il "Eurovision"da Macarıstanı təmsil edəcək müğənni Boqqi ilə şəhər gəzintisinə çıxıb.

   Müğənni Nadir Qafarzadə yeni mahnısını dinləyicilərinin ixtiyarına verib. O, bu dəfə türkiyəli ifaçı Candan Ərçətinin “Yalan” adlı bəstəsini oxuyub. Sənətçi mahnını tələbəsi Vüsal Əsgərovla birgə ifa edib. Yeniliklərindən danışan N.Qafarzadə növbəti daha maraqlı bəstələr olduğunu söyləyib: “Bu yaxınlarda “Sarışınım” adlı bəstəni 6-8 ritmində ifa etdim. Aranjimandadır. Hazırda bütün diqqətimi Türkiyədə həyata keçirəcəyim layihəyə yönəltmişəm. Eyni zamanda istedadı olan gənclərə dəstək oluram. Ona görə də tələbəmlə duet oxudum. Maraqlı alındığına inanıram".

   “Eurovision 2011”in qalibi Nigar Camal sosial şəbəkədə yeni fotosunu paylaşıb. İfaçının göbəyiaçıq libası diqqət çəkib. O, şəklin yanına “Bu həyatı sevirəm. O, sürprizlərlə doludur. İndi bilirəm ki, baş verən hər şeyin bir səbəbi var” sözlərini yazıb.

    Əməkdar artist Məryəm Zamanova Amsterdama yollanıb. Rəqqasə həyat yoldaşı İlkin Zamanovla çəkdirdiyi fotoları sosial şəbəkədə paylaşıb. Qeyd edək ki, 2010-cu ildə ailə quran cütlüyün Aylin adlı bir qızı var.

 

Sevda Məmmədova

 

Muz-Tv.az