Castin Biber festivaldan qovuldu

Mühafizəçilər tanınmış kanadalı ifaçı Castin Biberi "Coachella" festivalından qovub. 

    Mühafizəçilər tanınmış kanadalı ifaçı Castin Biberi "Coachella" festivalından qovub. Lent.az-ın məlumatına görə, 21 yaşlı ifaçı reper Dreykin ifa etdiyi zala keçmək istəyib. Lakin boş yer olmadığı üçün mühafizəçilər Biberi ora buraxmayıblar. Gənc ifaçı isə reper Dreykin onu şəxsən dəvət etdiyini və ona xüsusi kreslonun gətirilməsini tələb edib.Festival əməkdaşı Biberi ifaçıların olduğu yerə keçirmək istəsə də, mühafizəçilər bu dəfə də əngəl olublar. Hətta mühafizəçilərdən birinin onun boğazından yapışdığı da deyilir. İndi Castin Biber ona qarşı kobud rəftar edən mühafizəçini məhkəməyə verməyə hazırlaşır.

    İnternetdə müğənni Rihannanın narkotik maddə istifadə etdiyi iddia edilən videosu yayılıb. "Coachella" musiqi festivalından əvvəl çəkilən görüntülərdə məşhur ulduz əlində saxladığı ağ rəngdə əşyanı burnuna tutur.Lakin kokain çəkmədiyini deyən müğənni sosial şəbəkədə videonu paylaşan şəxsə cavab verib:"Hətta hər hansı axmaq da mənim orada tütün doldurduğumu görə bilər. Kim burnuna tütün çəkər ki?". Daha sonra ifaçı İnstaqram hesabından başqa bir video paylaşaraq baş verənləri bir daha təkzib edib

    78 yaşlı Norman Hodces 1962-ci ildə məşhur aktrisa Merilin Monronu qətlə yetirdiyini etiraf edib. Mərkəzi İsraildə yerləşən “World News Daily Report” internet resursunun yaydığı informasiya bütün dünya KİV-nin diqqətini cəlb edib. Hazırda xəstəxanada müalicə alan Hodces ABŞ hakimiyyəti üçün təhlükə törədən şəxsləri aradan götürən 5 nəfərlik professional killer qrupunun üzvü olduğunu deyib. Hodces Merilin Monronun öldürülmə səbəbinə də aydınlıq gətirib. “Bizdə məlumat var idi ki, Merilin təkcə prezident Kennedi ilə deyil, Kuba lideri Fidel Kastro ilə də əlaqədə olur. Rəisim Ceymi Heyvort əmr etdi ki, mən Monronu aradan götürüm və hər şeyin intihara bənzəməsinə çalışım. Mən bunu Amerika üçün etdim! Axı Merilin kommunistlərə stateji dövlət sirlərini ötürə bilərdi, biz isə buna yol verə bilməzdik”.Qeyd edək ki, Merilin Monro 1962-ci il avqustun 4-dən 5-nə keçən gecə öz evində ölü tapılıb. Yatağında və evin digər otaqlarında polis çoxlu sayda yuxu həbləri tapmışdı. İstintaq aktrisanın ölümünü çoxlu dərman qəbulunun doğurduğu bədbəxt hadisə kimi səciyyələndirmişdi.

     Rusiyalı model İrina Şeyk “Linda Farrow” brendinin yeni eynək kolleksiyasının reklamına çəkilib. Axşam.az xarici mətbuata istinadən xəbər verir ki, modelin tərəf müqabili avstraliyalı Carrod Skott olub.

 

Elyar Sadıqlı          

 

Muz-Tv.az