Nadir Qafarzadədən şou-biznesin xanımlarına sərt ifadələr

Müğənni Nadir Qafarzadə şou-biznesin xanım ifaçıları ilə bağlı qalmaqallı açıqlamalar verib. 

    Müğənni Nadir Qafarzadə şou-biznesin xanım ifaçıları ilə bağlı qalmaqallı açıqlamalar verib. Milli.Az-ın məlumatına görə, sənətçi bunları deyib: “Avropadakı məşhurlar çox sadədirlər. Bizdə bir müğənninin beş bahalı telefonu olur. Bu da yekəxanalıqdan irəli gəlir. Çıxıb efirə deyirlər bu libası on minə almışam. Bunu deyən "ulduza" o paltarı özü almayıb. Onun pulu hardandı? Toya getmir. Şou proqramda 50 manata oxuyur. Allah sevgilinin canını sağ eləsin, maşın da, on minlik paltar da alır. Amma onu saxlayan kişinin arvadı evində 3 manatlıq xalatla dolaşır”.

    Müğənni Səbinə Babayeva “Lyubov kak son” adlı yeni mahnısını təqdim edib.Sənətçi rus dilində səsləndirdiyi bəstəni sosial şəbəkədə paylaşaraq, təəssüratlarını bölüşüb: “Çoxları “Qaz-qaz” adlı mahnımdan sonra məni tənqid etdi: “Bu nə bəstədir? Sizin stilinizdə deyil. Niyə belə mahnılar oxuyursunuz?”. Müğənni hər bir janrda oxumaqla, müxtəlif zövqlü kütlənin gözündə sevilməlidir. Bu dəfə ciddi əsərə müraciət etdim. Hər dəfə də belə əsərləri oxumaq təkrarçılıqdır. İnsanları yormaq düzgün deyil”.

     Rəqqasə Oksana Rəsulova Hindistanda keçirilən partiyə qatılıb. Sənətçi gecədə Bollivud ulduzu Şahrux Xanla bir araya gəlib. O, aktyorla fotosunu paylaşaraq “Allah səni qorusun. Mən səni sevirəm” sözlərini yazıb. Gecədə eyni zamanda aktyorun həyat yoldaşı Qauri Xan, aktyorlar Mahon, Varun Dauvan və başqaları yer alıb.

    Əməkdar artist Abbas Bağırov 45 kiloqram arıqlayıb. Axşam.az-ın məlumatına görə, müğənni sosial şəbəkədə köhnə və yeni fotosunu paylaşaraq bunları yazıb: “İnsan istədiyi kimi özünü yaxşılığa doğru dəyişə bilər. Əlbəttə ki, iradə və güc mütləq şəkildə lazımdır. O da hər bir adamda var. Mən bu gün artıq 125 kiloqram çəkidən 80-ə düşmüşəm. Bunu bacardım”.

 

Elyar Sadıqlı

 

Muz-Tv.az