Madonna: “Məşhurluq daimi deyil”

Pop diva Madonna 25 il sonra yenidən "Cosmopolitan" jurnalı üçün fotokamera qarşısına keçib. 

    Pop diva Madonna 25 il sonra yenidən "Cosmopolitan" jurnalı üçün fotokamera qarşısına keçib. Axşam.az-ın xarici KİV-ə istinadən məlumatına görə, fotosessiya ilə yanaşı müğənninin müsahibəsi də jurnalda dərc olunub. O, məşhurluğun daimi olmadığını deyib: "Məşhurluq gəlir və gedir. Sən, sadəcə, kim olduğuvu bilməlisən. Nə üçün bu nöqtədə olduğuvu, məqsədivi bilməlisən". Qeyd edək ki, Madonna ilk dəfə 1990-cı ildə adı çəkilən jurnalın üz qabığı üçün foto çəkdirib.

    Modellər Naomi Kempbell və Cordan Dann "Burberry" markasına məxsus eynəklərin reklamına çəkiliblər. Brendin yaz kolleksiyasını təqdim edən məşhurlar klassik paltoda, rəngli yaxalıqlarda fotokamera qarşısına keçiblər. Qeyd edək ki, 45 yaşlı Naomi dünyanın ən çox qazanan manikenlərindən sayılır.

    Aktrisa Hazal Kaya “BeStyle” jurnalı üçün obyektiv qarşısına keçib. Aktrisa müsahibəsində görünüşünün onun üçün bir çox üstünlüyünün olduğunu deyib: “24 yaşım var. Bədən və üz quruluşuma görə hələ uzun müddət pul qazanacam. Bir neçə il sonra mən də qadın kimi görünəcəm. Ancaq hələ yaşımdan kiçik görünməyim xoşuma gəlir”. Hazal kişilərdə xoşladığı xüsusiyyətləri açıqlayıb: “Ağıllı və bilikli kişlər xoşuma gəlir. Dəbdəbəli görünüşü sevmirəm. Qarşımdakı insan pis geyinə bilər, ancaq təki nəyisə zorla etməsin”.

    Son günlərdə yenidən Demet Akalın ilə mübahisəyə başlayan Hande Yener İnstaqramda həmkarını hədəf alıb. Demet verəcəyi konsertlərin tarixlərini paylaşaraq Handeyə ünvanlanmış status yazıb: "Kimi isə narahat edən konsertlər... Çalış, çalış... Mənə çatacaqsan, inşallah, amma yuxunda". H.Yener də öz konsert tarixlərinin altına yeni mahnısı "Sebastian"dan təsirlənərək cavab verib: "Söylə ona, Sebastian... Xəyallar evdə qurulur, doğrular isə Hande Yener konsertlərində yaşanır. Sebastian, söylə ona, məni təqlid etməsin, yorular".

 

Əhəd Miriyev

 

Muz-Tv.az