Tarix Əliyev: “Aygün və Röyanın yanında üçüncü ad görmürəm”

Prodüser Tarix Əliyev birlikdə çalışdığı xalq artisti Aygün Kazımova və küsülü olduğu müğənni Röya Ayxanla bağlı açıqlama verib. 

    Prodüser Tarix Əliyev birlikdə çalışdığı xalq artisti Aygün Kazımova və küsülü olduğu müğənni Röya Ayxanla bağlı açıqlama verib. Axşam.az-ın məlumatına görə, Tolik şou-biznesdə hər iki ifaçının rəqibi olmadığını iddia edib: “Başa düşdüm ki, neçə illərdir Aygün və Röya şou-biznesin aparıcı qüvvələridir. Kim nə istəyir desin, məni qınasın fikrim dəyişməyəcək. Aygün və Röyanın yanında üçüncü ad görmürəm. Əminliklə deyirəm ki, hələ gələcək on ildə də olmayacaq. Nə etsələr də alınmır, indikilər ancaq onları təkrarlayırlar. Yenilik edən yoxdur. Ulduzluq hər insana nəsib olmayıb. Hələ 12 ildir heç özümə də rəqib görmürəm. Özlərin nə qədər ağıllı aparsalar da prodüserlik sahəsində imzanı mən atmışam”.

    Müğənni Samira Allahverdi yeniliklərindən danışıb. Sənətçi açıqlamasında maraqlı layihələr hazırladığını bildirib: "Yeni mahnı yazdırmışam, idmançılarımıza hədiyyədir. Xarici bəstədir, sözlərini Sevinc Şirin yazıb. Buna Ülviyyə Könülün rejissorluğu ilə klip də çəkdirəcəm. İdmanı sevdiyim üçün bu mövzuya müraciət etdim. Klipdə Azərbaycan bayrağını xaricdə qaldıran idmançılarımızı görəcəksiniz. Musiqisi Rüstəm Qədirli, sözləri dicey Nurlanaya aid olan "Çarəsizəm" mahnısına da klip çəkdirəcəm. Bunun üçün Ukraynadan yaradacı heyət gələcək. Planlarım çoxdur, hamısına pul lazımdır. Mən hər şeyi özüm edirəm, heç kimdən kömək almıram".

    Müğənni Elnarə Xəlilova sosial şəbəkədə ilk dəfə qızının fotosunu paylaşıb. O, şəklin yanına “Bu da mənim ceyranım... İntizarda qalanlar üçün Burlaxatun Cahangir” sözlərini yazıb.

    Model Rüstəm Cəbrayılov boşanır. Model bu haqda açıqlamasında xəbər verib: “Çoxları məni subay bilir. Amma ailəliyəm. Hazırda şəxsi həyatım yolunda getmir. Boşanma gözlənilir. Övladım yoxdur, bir itim var. Onun üçün çox darıxıram”. Uzun müddətdir xaricdə fəaliyyət göstərən R.Cəbrayılov işlərindən də bəhs edib: “Nyu-Yorkda, İtaliyada və Türkiyədə çalışıram. Çətinliklər görə-görə bu yerə gəlmişəm. Ona görə də qazandıqlarımın qədrini bilirəm. Ulduzluq etmirəm. Hətta avtobusa, metroya da minirəm".

 

Əhəd Miriyev

 

Muz-Tv.az