Məşhur cütlüyün yeni biznesi

Türkiyənin məşhur cütlüyü - aktrisa Beren Saat və müğənni Kənan Doğulu Ankarada biznes qurublar. 

    Türkiyənin məşhur cütlüyü - aktrisa Beren Saat və müğənni Kənan Doğulu Ankarada biznes qurublar. Axşam.az-ın “Hürriyət”ə istinadən xəbərinə görə, “BİS” adlı məkanın açılışına müğənni Mustafa Ceceli, Ozan Doğulu və xanımı, aktyor İlkər İnanoğlu və başqaları qatılıb. Gecəyarısına qədər davam edən mərasimdə Kənan Doğulu səhnədə mahnılarını səsləndirib, Fuat Güner və Bora Uzərlə duet oxuyub. Qeyd edək ki, cütlüyün yeni açdığı kompleksə 260 nəfərlik restoran, 400 nəfərlik konsert salonu daxildir.

    İnternetdə iki aparıcı müğənninin yeni ifaları yayımlanıb. Müğənni Beyons pərəstişkarlarına "Die with you" adlı yeni mahnını hədiyyə edib. Lakin mahnının videosu öyrəşdiyimiz kliplər kimi deyil. Müğənni ev şəraitində pianoda ifa edir, həyat yoldaşı repçi Cey Zi onun "rejissorluğunu" edir. Digər video isə barbadoslu sənətçi Rihannanındır. O, "NCAA March Madness" musiqi festivalında "American Oxygen" adlı mahnını oxuyub.

    Tanınmış reper Nikki Minajın konsertində maraqlı anlar yaşanıb. İfaçının fanatı olan balaca oğlan səhnəyə çıxaraq “Çoxdandır bunun xəyalını qururdum” deyib və ağlamağa başlayıb. Uşağı təsəlli edən Minaj onu qucaqlayıb. Başını sənətçinin sinəsinə qoyan oğlanın üz mimikaları və gülməyə başlaması zalda əyləşənləri təəccübləndirib. Əslində bütün bunların Nikkinin azyaşlı fanatının kələyi olduğu üzə çıxıb.

     İngiltərədə yayımlanan "Dancing With The Stars” (“Ulduzlarla rəqs”) yarışmasından uzaqlaşdırılan gənc model Şarlotta Makkinni obyektivlər qarşısına keçib. Məşqlər zamanı karyerası ilə bağlı işlərinə başı qarışan 22 yaşlı model münsiflərin qərarı ilə müsabiqədən çıxarılıb. Bütün bunlara görə pis olmadığını deyən Şarlotta yarıçılpaq pozlar verib.

 

Əhəd Miriyev

 

Muz-Tv.az