Brilliant Dadaşovanın yeni albomu işıq üzü gördü

Xalq artisti Brilliant Dadaşovanın bu yaxınlarda yeni albomu işıq üzü görüb. 

   Xalq artisti Brilliant Dadaşovanın bu yaxınlarda yeni albomu işıq üzü görüb. Axşam.az-ın məlumatına görə,sənətçi bu haqda açıqlamasında bildirib: "7 aydır studiyadan çıxmırdım. Bir-bir mahnılara qulaq asır, göstəriş verirdim. Elə şeylər var ki, aranjimançı onu aylarla fikirləşir. Gördüm vaxt yoxdur özüm yanında oturdum".

   Əməkdar artist Almaz Ələsgərli yalan danışıb. Müğənni açıqlamasında bir müddət əvvəl sevgilisi olması ilə bağlı dediyi xəbərin uydurma olduğunu bildirib: “Heç kimim yoxdur. Sevgilim olduğunu şou xatirinə demişəm. Suallar verdilər, mən də o cür cavablandırdım. O haqda heç fikirləşmirəm. İki böyük qızım var. Dərdim ancaq onlar və sənətimdir. Hərdən gedirəm İsveçrədə yaşayan qızımın yanına, başım qarışır. Mən onları ayağa durğuzmalı, sənət verməli, yerbəyer etməliyəm. Həyat o qədər qısadır ki, rahat köçmək üçün hər şeyi yoluna qoymalıyam".

   Müğənni Ayan Babakişiyeva sürücülüyü ilə bağlı maraqlı açıqlamalar edib. Sənətçi sürəti sevdiyini deyib: “Yalan danışmayım, sürəti sevirəm, qayda pozduğum anlar da olur. Hətta bir neçə gün əvvəl qayda pozdum, sürücülük vəsiqəmə bal da yazılıb. Rayonlara gedəndə yolda “radarlar” məni fotosessiya edir. Təhlükəsizlik kəmərindən həmişə istifadə edirəm. Böyük maşınları sevirəm: qızımın və mənim əşyalarım rahatlıqla yerləşir. Əvvəl iki maşınım var idi, çox da böyük deyildi. İndi "Dodge" almışam, ailə avtomobilidir. Mənim üçün əsas odur ki, qızım Selenaya rahat olsun”.

   Müğənni Sevinc Ağaşirinova fotokamera qarşısına keçərək pozlar verib. Qısa şortu ilə diqqət çəkən ifaçı geyimlərindən söhbət açıb: “Hər bir xanım kimi mən də gözəl, dəbdə olan geyimləri sevirəm. Dəbi izləsəm də, özümə, yaşıma yaraşanı geyinirəm. Brend geyimlərə xüsusi marağım yoxdur. Geyim seçərkən büdcəmi də nəzərə alıram. 1000 manatlıq da , 10 manatlıq da libas geyinə bilərəm. Əsas mənə yaraşan olsun və özümü rahat hiss edim”.

 

Əhəd Miriyev

 

Muz-Tv.az