Röya Ayxan: “Azərbaycanda disk çıxartmağı düşünmürəm”

Müğənni Röya Ayxan Türkiyədə işıq üzü görəcək albomunun gecikmə səbəbini açıqlayıb. 

    Müğənni Röya Ayxan Türkiyədə işıq üzü görəcək albomunun gecikmə səbəbini açıqlayıb. Axşam.az-ın məlumatına görə, sənətçi səsi ilə bağlı müalicə aldığını bildirib: “Heç bir yeniliyim yoxdur. Çox əsəbiləşirəm. Ona görə səsim yerində olmur, albom üçün qalan bir-iki mahnını da oxuya bilmirəm. İndi müalicə alıram. Bu albom Türkiyədəki işlərimə aiddir. Azərbaycanda disk çıxartmağı düşünmürəm. Bu yaxınlarda birini təhvil verdim, bəsdir. Gülşənin “Bayıla-bayıla” bəstəsini oxumayacam. Əvvəlcədən danışmaq mənə düşmür. Heç vaxt belə səhv buraxmazdım. Gərək o haqda deməzdim. Başqa bir bəstəsini ifa edəcəm”.

     Bu gün müğənni İradə İbrahimovanın ad günüdür. 35 yaşı tamam olan sənətçi hazırda İstanbuldadır. İ.İbrahimova bu günü ailəsi ilə keçirəcəyini bildirib: “Doğum günüm bu axşam ailə içində qeyd olunacaq. Növbəti gün yaxın dotlarla bir araya gəlməyi düşünürük. Uşaqkən böyüməyə tələsirik. Yaş artıqca isə kədərlənirik. Çox zaman gənclik, cavanlıq geridə qalır, deyə düşünürük. Amma insan yaşa dolduqca daha da müdrikləşir, həyata fərqli gözlə baxır. Hər yaşda insan nəyisə öyrənir. Ən əsası geriyə boylananda peşman olmadan irəliyə doğru addımlaya bilməyimizdir. Ad günümdə təmtəraqdan uzaq durmağa çalışmışam. Sakit gün keçirmək istəmişəm. Nə qədər dostlarım, ailəm desə də, inadımdan dönməmişəm. Lakin bu yaşımda bir az fərqli düşünürəm. Ətrafımda çoxlu insanlar olsun və sevincimi onlarla bölüşüm. 35 yaşımda elə bir dəyərli hədiyyə almışam ki... Yaxın zamanlarda açıqlayacam. Ona görə də bu, həyatımda unudulmayan rəqəm olacaq”.

     “Eurovision 2014” təmsilçimiz Dilarə Kazımova yeniliklərindən danışıb. İfaçı açıqlamasında fəaliyyətini Ukrayna və Türkiyədə davam etdirdiyini bildirib: “Yeni albom üzərində işləyirəm. Burada beş-altı mahnı yer alacaq. Ukraynada klip çəkdirmişəm. “Raining” adlı ingilis dilində mahnı oxumuşam. Milli boğazlar var, türk və Azərbaycan musiqi alətlərindən istifadə edilib. Maraqlı alınacağına inanıram. Kimə qulaq asdırmışamsa, sintez xoşuna gəlib. Bu həm də xaricdə Azərbaycan musiqisinin piarıdır. Bizim muğamımızı çox sevirlər. Bir müddətdən sonra yenidən Türkiyədə verilişə qonaq olacam. Qardaş ölkədə də fəaliyyətə başlamaq istəyirəm. Bir dəfə verilişə qatıldım, bəyəndiklərini gördüm”.

      Xalq yazıçısı Elçin Əfəndiyevin “Şekspir” əsəri əsasında səhnələşdirilmiş eyniadlı tamaşa Taksim-Bebek Rotary Klubu tərəfindən üçüncü Rotary teatr mükafatına layiq görülüb. Bu, əməkdar incəsənət xadimi Məlahət Abbasovanın səhnə tərtibatı ilə quruluş verilən tamaşanın layiq görüldüyü sayca 10-cu mükafatdır. Klubun qərarı ilə Məlahət Abbasova “İlin ən yaxşı rejissoru” nominasiyasında mükafata layiq görülüb.

 

Əhəd Miriyev

 

Muz-Tv.az