Kriştiano Ronaldo sevgilisi İrina Şeykdən ayrıldı

Bir neçə gün əvvəl "Qızıl top" mükafatını dalbadal ikinci dəfə, ümumilikdə isə üçüncü dəfə qazanan futbolçu Kriştiano Ronaldonun sevgilisi...

    Bir neçə gün əvvəl "Qızıl top" mükafatını dalbadal ikinci dəfə, ümumilikdə isə üçüncü dəfə qazanan futbolçu Kriştiano Ronaldonun sevgilisi İrina Şeykdən ayrılması xəbəri yayılıb.Axşam.az-ın xarici mediaya istinadən xəbərinə görə, hər zaman tədbirlərə modellə gedən futbolçunun mükafatlandırma gecəsinə tək qatılması şübhələrə yol açıb. Kriştiano mətbuat konfransında jurnalistlərin sualına cavab olaraq "ayrılmamışıq" desə də, İrinanın Tvitterdə Ronaldonun abunəsindən çıxması və sevgilisini təbrik etməməsi yayılan xəbəri təsdiqləyib.

    56 yaşlı aktrisa Şeron Stoun 43 yaşlı aktyor-prodüser Devid De-Luizlə sevgilidir. Cütlük Beverli-Hillzdəki restoranların birində yemək yeyərkən obyektivlərə tuş gəlib. Şeron və gənc sevgilisi məkandan əl-ələ çıxıblar. Daha sonra bir qədər gəzmək qərarına gələn cütlük kameraların önündə öpüşüb.

    “Aşk sana benzer” (“Eşq sənə bənzər”) filmində aktrisa Fəxriyyə Evcənin səsləndirdiyi “Mənim gözüm səndə” mahnısına ekran işindəki romantik səhnələrdən ibarət klip hazırlanıb. Klipdə aktrisanın tərəf müqabili və sevgilisi Burak Özçivitlə səmimi münasibəti izləyicilər tərəfindən daha çox bəyənilib. 

    Türkiyəli müğənni Gülbən Ərgən ötən gün iki oğlu və həyat yoldaşı Ərxan Çəliklə restorandan çıxarkən görüntülənib. Cütlük ailəvi şam edib. G.Ərgən uşaqları ilə qabaqda, Ə.Çəlik isə onların arxasınca avtomobilə doğru gedib.

 

Əhəd Miriyev

 

Muz-Tv.az