Emin Ağalarov 35 yaşını qeyd etdi
İfaçı-bəstəkar Emin Ağalarov 35 yaşını qeyd edib.O, ad gününü qeyd etmək üçün iki yubiley konserti verib.
İfaçı-bəstəkar Emin Ağalarov 35 yaşını qeyd edib.O, ad gününü qeyd etmək üçün iki yubiley konserti verib. Səbəbkar ən yaxşı kompozisiyalarını ifa edib, həmçinin "Naçistotu" adlı yeni albomundan mahnıları səsləndirib. Səhnəyə onunla birgə Qriqoriy Leps, Ani Lorak, Stas Mixaylov, Keti Topuriya kimi ulduzlar çıxıb. Yubiley-konsertdə Rusiyanın məşhurları Filipp Kirkorov, Sergey Lazarev, Andrey Malaxov, Anita Tsoy, Nikolay Baskov, Oleq Qazmanov, Timati, Aleksandra Saveleva, Soso Pavilaşvili da iştirak ediblər. İkinci konsert gecəsindən sonra Emin ad gününü tanınmış dostları ilə bir yerdə restoranda davam etdirib. Burada dostları müğənniyə müxtəlif hədiyyələr veriblər. Gecənin ən maraqlı sürprizlərindən biri təkcə Rusiya şou-biznesinin deyil, dünya ulduzlarının da iştirak etdiyi videoçarx olub. Videoçarxda "Miss Universe-2014", biznesmen Donald Tramp, aktyor Robert de Niro və başqaları Emini təbrik ediblər.
Əməkdar artist Ədalət Şükürov həmkarı Lalə Məmmədovaya Yeni il hədiyyəsi göndərib. Axşam.az-ın məlumatına görə, hədiyyəsinin fotosunu sosial şəbəkədə paylaşan müğənni bunları qeyd edib:“Səhərim gözəl açıldı. Sənət dostum Ədalət Şükürov mənə Yeni il hədiyyəsi göndərib. Qızı Jalənin əl işidir. Təmiz daşlardan yığılan qolbaq... Əllərin var olsun, Jalə. Diqqətinə görə çox sağ ol, Ədalət”.
Əməkdar artist Cavanşir Məmmədov dəbdəbəli telefon işlətmir.Müğənni telefonunu ailəsindən gizlətmədiyini bildirib:
“Bir telefonum var, o da yanımda olur. Sadə telefon işlədirəm. İndi bunu avtomobilim “Rolls-Royce”la müqayisə edərsiniz. Mənim xəlvət işim yoxdur. Ona görə də, gizli nömrə işlətmirəm. Bu telefon sadədir, əsəbi sakitləşdirir, şüası azdır. Dünyada bütün məsələlərin 99 faizini telefon həll edir. Amma ailələrin dağılmasının əksəriyyətinin də səbəbkarı telefondur. Müxtəlif mesajlar gəlir, nəticədə evə söz-söhbət düşür. İndi telefonumda dörd-beş mesaj var, oxusanız tükünüz biz-biz olar. Xanımlar yazıb. Mən cavan olsaydım, bu mesajlar mənə gəlsəydi, həyat yoldaşımın əlinə keçsəydi, evimdə dava düşərdi. Xanımım mənə inanır, ona görə də, belə mesajlara əhəmiyyət vermir. Telefon mənim üçün kiminsə nömrəsinə yığıb, danışıb, əsəbimi atmaq üçün lazımdır”.
Müğənni-bəstəkar Rəhim Rəhimli özünə bəzi qadağalar qoyub. İfaçı sosial şəbəkədə olmamağının səbəblərini açıqlayıb: “İnstaqramda yoxam, heç bir paylaşım da etmirəm. Sevmirəm... Niyə mənim yeyib-içdiyimi kimsə görməlidir? Niyə mən avtomobilimi, evimi kiməsə nümayiş etdirməliyəm? Mən bunları özümə qadağa qoymuşam. Sağlamlığıma zərər verən şeylər etmirəm. Kiminsə mənə qarşı hörmətsizliyinə imkan yaratmıram. Çünki mən böyüklə, kiçiklə necə davranacağımı bilirəm. Mənim aləmimdə kiməsə söz atmaq, insanı incitmək, yalan danışmaq yoxdur”.
Əhəd Miriyev
Muz-Tv.az