Emin Moskvada konsert verdi

İfaçı-bəstəkar Emin dünən Moskvada “Crocus City Hall”da konsert verib. 

    İfaçı-bəstəkar Emin dünən Moskvada “Crocus City Hall”da konsert verib. Axşam.az-ın məlumatına görə, gecədə Eminlə birlikdə səhnəyə ifaçılar Svetlana Loboda, Ani Lorak, Çarli Uilyams və başqaları çıxıb. İfaçı konsertdən olan fotoları sosial şəbəkədə paylaşıb.

    “O səs Türkiyə” musiqi müsabiqəsində parlayan və türk mediasının diqqətini çəkən azərbaycanlı yarışmaçı Elnur Hüseynov Türkiyənin TV 8 kanalı ilə 1,5 milyon avroluq müqavilə imzalayıb. Elnur sözügedən kanalda böyük bir layihədə iştirak edəcək. Bu barədə məlumat verən  Elnur bildirib ki, o, Adriana Lima ilə birlikdə moda verilişi aparacaq:  “TV8 kanalında çox böyük bir layihə başlayır. Bu verilişə Türkiyənin və dünyanın müxtəlif ölkələrindən məşhur oğlan və qız modellər qatılacaq. Qalib 20 milyon dollar qazanacaq. Qalibləri münsiflər seçəcək. Mən aparıcılıqla yanaşı, həm də münsiflər heyətinə daxiləm. Digər üzvlər Adriana Lima, Meqan Foks, İvana  Sertdir. Bu layihə ilə bağlı Acun bəylə bir illik müqavilə imzalamışam”. Elnur onu da vurgulayıb ki, veriliş Türkiyənin hündür binalarında çəkiləcək. Çünki məşhur modellər verlişə helikopterlə gələcək.

    Müğənni Könül Kərimovaçoxlu plastik əməliyyatlar etdirməsi ilə bağlı söz-söhbətlərə münasibət bildirib: “Bircə dəfə burnuma plastik əməliyyat etdirmişəm. Gözəllik ondur, doqquzu dondur. Xanım zaman-zaman ona nə yaraşır, onu etməlidir. Saç, makiyaj, geyim qaydasında olanda insan gözəl görünür. İndi hamı hər şeyi əməliyyatla ölçür. Bu, yanlışdır. Qadın istədiyi yaşda gözəl görünə bilər. Əməliyyat nə qədər çox olarsa, bir o qədər tez qocalacaqsınız”.

     Müğənni Günay İbrahimli yeni mahnısını təqdim edib. “Xəzərim” adlanan bəstənin sözləri Kəmalə Abıyevaya, musiqisi Nadir Əzimova, aranjimanı isə Tural Yusibova məxsusdur.

 

Əhəd Miriyev

 

Muz-Tv.az