Brilliant Dadaşova yeni mahnısını təqdim etdi

Xalq artisti Brilliant Dadaşova dinləyicilərinə yeni mahnısını təqdim edib. 

     Xalq artisti Brilliant Dadaşova dinləyicilərinə yeni mahnısını təqdim edib. Axşam.az-ın məlumatına görə, "Onun adı Leyladır" adlanan  mahnının musiqisi Maestro Ceyhuna, sözləri  Cavid Qurbanova aiddir. Mahnı ilə bağlı təəssüratlarını bölüşən Maestro Ceyhun bunları söyləyib: "Onun adı Leyladır" mənim eyni müəllifin sözlərinə yazdığım ilk mahnı deyil. Bundan əvvəl də Cavidin şeirlərinə musiqi bəstələmişəm. Amma sözügedən mahnı bəstələrimin içində xüsusi əhəmiyyət kəsb edir. Brilliant xanımın mahnıma  həyat verməsi məni xüsusən sevindirir. Güman edirəm bu, dinləyicilərin də ürəyincə olar". Qeyd edək ki, hazırda Brilliant Dadaşova bir neçə albom üzərində çalışır.

   Müğənni Kərim Abbasov xalq artisti Zeynəb Xanlarova ilə bir araya gəlib. Birlikdə çəkdirdikləri fotonu sosial şəbəkədə paylaşan sənətci təəssüratlarını da qeyd edib: “Görkəmli şəxsiyyət, dəyərli millət vəkili, gözəl ana, canlı əfsanə, karifey sənətkar... Canım qədər sevdiyim diva Zeynəb Xanlarova.... Şükür ya Rəbbim, mənə də sənətkarın xeyir duasını almaq qismət oldu. Necə də xoşbəxtəm”.

   Müğənni Günay İbrahimli yeməksiz qala bilmir. “Dönəri sevirəm, amma yemirəm. Peraşki isə anam bişirərsə, yeyirəm. 3 ildir idmanla məşğul oluram. Təzəlikcə aerobikaya gedirəm. Gecə saat 3-də də yemək yeyə bilərəm. Hətta durub kartof qızardıb yeyirəm. Xörəyi sevirəm, özü də çox yeyənəm. Hazırda 57 kiloqramam”.

   Müğənni Xatirə İslam verilişlərin birinə çıxarkən geyindiyi libasa görə qınaq obyektinə çevrilib. Sənətçi ünvanına deyilən tənqidlərə sosial şəbəkədə cavab verib:“Bəzi “adamcıqlar” mənim profilimə yazır ki, geyimindən utan. Ərin hara baxır? Onlara mənim ərim lazımdır, yəqin ki... Bir də ki, yazın görüm, bu geyimdə pis nəsə var? Siz lüt olanlara qiymət verənlər deyilsinizmi? O zaman yazmadan əvvəl düşünün. Sözlərim hamıya aid deyil. Nə geyinmişəm yaxşı etmişəm”.

 

 

Əhəd Miriyev

 

Muz-Tv.az