“Narkomaniyaya yox deyək!” devizi altında tədbir keçirildi

Ölkənin yerli alış-veriş mərkəzlərinin birində, Gənclərin III Ümumrespublika Teatr Festivalı çərçivəsində “Narkomaniyaya yox deyək!” devizi

    Ölkənin yerli alış-veriş mərkəzlərinin birində, Gənclərin III Ümumrespublika Teatr Festivalı çərçivəsində “Narkomaniyaya yox deyək!” devizi altında tədbir keçirilib. İlk olaraq festivala dəstək olan əməkdar artist Elza Seyidcahan və müğənni Samirə Allahverdinin ifası səslənib. Mədəniyyət və Turizm, eləcə də Gənclər və İdman Nazirliklərinin dəstəyi ilə keçirilən festivala bölgələrdən 120-ə yaxın istedadlı, yaradıcı gənc qoşulub.

    Paytaxt Bakıdan 9 peşəkar və həvəskar teatr, habelə Şamaxı, Ucar, İmişli, Gəncə və digər bölgələrdən qatılan gənc aktyorlar, gəclərimizi narkomaniyadan uzaqlaşdırmaq üçün düşündürücü tamaşalar nümayiş etdiriblər.

    Qeyd edək ki, gənc teatr həvəskarları festivalın təşkilat komitəsinin sədri, Milli Məclisin deputatı professor Jalə Əliyevanın rəhbərliyi ilə festivala cəlb edilib.

 

Sevda Məmmədova

Elfaq Lələyev

 

Muz-Tv.az