Əməkdar artist Nüşabə Ələsgərli ona gələn mesajlardan danışıb

Müğənni həmin ismarışları həyat yoldaşı ilə birlikdə oxuduğunu deyib...

   Müğənni həmin ismarışları həyat yoldaşı ilə birlikdə oxuduğunu deyib: “Mənə çox məktub gəlir. Bəziləri var ki, onu həyat yoldaşımla bərabər oxuyuram. Bəzilərini isə tək oxuyub silirəm. Qorxuram ki, evimizə dava düşər”.

   Prodüser Tolik küsülü olduğu müğənni Röya Ayxanla barışıb. Prodüser sənətçinin studiyada mahnı oxuyarkən çəkdiyi videosunu İnstaqram səhifəsində paylaşıb. O, videoya “Laçınım” mahnısı eksklüziv, Röyanın ifasında” şərhini yazıb. Tolik, eyni zamanda Röya ilə bağlı bunları vurğulayıb: “İndi deyəcəksiniz ki, niyə yenə Röyanın adını yazırsan. Dörd il əvvəl radio verilişl’rinin birində  aparıcı demişdi ki, Röya rəhmətə gedib. Bakı bir-birinə dəymişdi. Röyanın oxuduğu mahnıların milyonlarla pərəstişkarı var. İndikilər heç nəylə reklam oluna bilmirlər, ölməklə gündəmə gəlirlər. Bu cür insanları kimliyindən asılı olmayaraq, qınayıram”.

   Müğənni Elçin Cəfərov ilin son mahnısını təqdim edib. "De, adın nə sənin?" adlanan bəstənin musiqisi və sözləri Elməddin Həmidova, aranjimanı isə musiqiçi Tərlan Məmmədhüseynova məxsusdur. Gələn həftə mahnı və ifaçının yeni fotosessiyası təqdim olunacaq. Yaxın günlərdə isə bəstənin klip çəkilişinə start veriləcək. Fotosessiyanın kadrarxası görüntülərini təqdim edirik. Qeyd edək ki, E.Cəfərovun repertuarındakı "Mənə onu çağırın gəlsin", "Sev kəlməsi", "Sən" mahnılarının da müəllifi E.Həmidovdur.

   Müğənni Elvin Abdullayev “Sevmək yaraşmadı” adlı yeni mahnısını təqdim edib. Bəstənin sözləri Zeynəb Ədalətqızına, musiqisi isə ifaçının özünə aiddir. Yeni mahnısı ilə bağlı fikirlərini bölüşən E.Abdullayev onun seviləcəyini iddia edib: “Mahnının seviləcəyinə inanıram. Burada ancaq canlı alətlərdən istifadə edilib. Yəni, çox zəhmət tələb edən bir bəstədir. Əziyyətimin hədər olmayacağına inanıram. Dinləyicilərin bəyənəcəyinə əminəm. Əgər sevilsə, bu bəstəyə klip də çəkdirəcəm”.

 

Əhəd Miriyev

 

Muz-Tv.az