“Valide Sultan” bu dəfə Azərbaycan filmində ana obrazını canlandıracaq

“Möhtəşəm yüz yıl”ın “Validə Sultan”ı Nebahat Çehre Bakıya gəlib. 

      “Möhtəşəm yüz yıl”ın “Validə Sultan”ı Nebahat Çehre Bakıya gəlib. Aktrisanın vətənimizə gəlişinin səbəbi film çəkilişidir. Əksər hallarda türk seriallarında ana obrazını canlandıran Nebahat xanımı rejissor Vahid Mustafayevin ekranlaşdırdığı “Qanlı yanvar” bədii filmində də eyni obrazda görəcəyik: “Yaxşı bir filmə çəkilmək istəyirdim. Çünki sənətə serialdan deyil, filmdən gəlmişəm. Nədənsə çox vaxt ana obrazını canlandırıram, artıq bu çərçivədən çıxmaq istəyirəm. Mən aktrisayam və hər rolu oynamalıyam. “Qanlı yanvar” filmində isə makiyajsız ana obrazındayam”.

    Əfsanəvi “Möhtəşəm yüz il” serialı ilə şöhrətini zirvəyə qaldıran Nebahat Çehrenin yaratdığı “Validə Sultan” obrazının və digər aktyorların qardaş ölkədə heykəlləri yaradılıb. Və nəzərinizə çatdıraq ki, serial 55-dən çox ölkədə nümayiş olunur. Aktrisa “Muhteşem yüz yıl” dan sonra “Kara para aşk” serialında rol alıb. Amma nədənsə Nebahat xanım ekran əsərindən uzaqlaşmaq istəyib: “Hər zaman insanı zirvəyə qaldıran bir rol olmalıdır. Amma hər zaman uğurlu alınmır. “Kara para aşk”da isə içi boş bir ana obrazı idi. Xoşum gəlməyən hər şeydən qaçıram. Ona görə mövsüm finalında “öldüm””.

Bəzi aktrisalar açıq-saçıq səhnələrlə gündəmə gəlsələr də, nədənsə Nebahat Çehre belə görüntülərdən kənar gəzir. Daha ətraflı süjetdə.

 

Sevda Məmmədova

Bəxtiyar Nəsirov

 

Muz-Tv.az