Elnur Hüseynov Türkiyədə gündəmə çevrildi

“O səs Türkiyə”nin bugünkü buraxılışında “Eurovision 2008”də ölkəmizi təmsil edən Elnur Hüseynov çıxış edib.

     “O səs Türkiyə”nin bugünkü buraxılışında “Eurovision 2008”də ölkəmizi təmsil edən Elnur Hüseynov çıxış edib.Sem Smitin "Lutch" mahnısını ifa edən Elnur bütün münsif heyətini özünə tərəf döndərib. Münsiflərin istəyi ilə daha üç mahnı oxuyan Elnur Hüseynov müğənni Sertab Ərənərin repertuarından "Aşk" mahnısı ilə günə damğasını vurub. Bütün zalı özünə heyran edən həmyerlimiz haqqında müğənni Gökhan Özoğuz "İştirak etdiyim iki il ərzində belə yarışmaçı görməmişdim" söyləyib.  Eləcə də digər münsiflər müğənnilər Ebru Gündəş, Hadisə, Mazhar və Özkan Elnurun çıxışını indiyə qədərki ən yaxşı çıxış adlandırıblar. "Eurovision"dakı ilk təmsilçimiz sonda Ebru Gündeşi seçib. Elnur səhnəni tərk etdikdən sonra Gökhan "Elnurun çıxışıyla bu yarışmanın reytinqi çox qalxdı" deyib.

     Xalq artisti Aygün Kazımovadan yeni xəbər var. Yeni il planlarından danışan A.Kazımova hər kəsi heyrətləndirəcəyinə söz verib: “On günə Bakıya qayıdacam. Yeni görünüşümlə hər kəsi şoka salacam. Bəziləri şəkillərimin fotoşop olduğunu düşünür. Amma realda görəcəksiniz ki, bu, fotoşop yox “fotoşok”dur. Çox yeniliklər etmişəm. Hamısı da maraqlıdır. Yeni ili Azərbaycanda qarşılamağı planlaşdırıram. Yadınızdadırsa, 1990-cı illərdə sənətdən uzaqlaşdım, qayıdışım hər kəsi təəccübləndirdi. Bu dönüşüm isə ondan fərqli olaraq, hamını şoka salacaq”.

    Müğənni Röya Ayxana qızıldan pyupitr hədiyyə edilib.  Axşam.az-ın məlumatına görə, hədiyyəsinin şəklini sosial şəbəkədə paylaşan sənətçi bunları qeyd edib: “İndi deyəcəm qızıldandır, başlayacaqsınız məni qınamağa: bu pulu imkansıza verərdin... Amma unutmayın ki, mən də bunu 15 il sonra qazana bildim. İnciməyin, öldürsəniz də, heç kimlə bölüşməyəcəm. Pulum qurtaranda əridib özümə boyunbağı düzəltdirəcəm. Hədiyyəm, mənə xoş gəldin. Səninlə gözəl musiqilər ifa edəcəyik”.

    Müğənni Ayan Babakişiyeva sevgidən bəhs edib. İfaçı  çox xoşbəxt olduğunu bildirib: “Bu gün mən çox xoşbəxtəm. Qızım Selenanın 9 ayı tamam oldu. Sevib, sevilməyimin vaxtıdır. Mənim üçün sevgi hələ qarşıdadır. Nə yaşım var ki... Hər şey ola bilər”.

 

Əhəd Miriyev

 

Muz-Tv.az