Azərbaycandan Tarkana 1 milyon dollarlıq təklif

Yeni il gecəsi ən bahalı təklif yenə Tarkana gəlib. Meqastarı bayram günü səhnəyə çıxarmaq üçün Azərbaycan, Dubay və...

    Yeni il gecəsi ən bahalı təklif yenə Tarkana gəlib. Meqastarı bayram günü səhnəyə çıxarmaq üçün Azərbaycan, Dubay və Rusiyadakı təşkilatçılar bir-biri ilə yarışa girib. 2014-cü ili Qubada sevənləri ilə qarşılayan müğənniyə yenə də ən bahalı təklif Azərbaycandan edilib. Belə ki, ötən il 1 milyon lirə (təxminən 450 min dollar) qarşılığında ölkəmizə gələn Tarkana bu dəfə otellərdən biri 1 milyon dollar təklif edib.  

   Müğənni Röya Ayxan Naxçıvanda solo konsert verəcək.  Sənətçi bu haqda sosial şəbəkədə yazıb: “Mənim sevdiklərim, dekabrın 23-də Naxçıvanda Heydər Əliyev Sarayında mənimlə möhtəşəm konsertə hazırlaşın”. Qeyd edək ki, R.Ayxan həmçinin dekabrın 19-da və 20-də Bakıda Heydər Əliyev Sarayında “Sənə ehtiyacım var” adlı solo konsertlə çıxış edəcək.

    Müğənni Sevda Yahyayeva yeni mahnı hazırlayır. Sənətçinin “İtmiş ada” adlanan mahnısının sözləri MC Murada, musiqisi Emin Kərimiyə məxsusdur. Qeyd edək ki, sənətçi eyni zamanda “Aç mənə vərəq yaz” adlı daha bir mahnı hazırladığını bildirib. Bəstənin sözləri Leyli İsrafilovaya, musiqisi Hakan Erola məxsusdur.

   “Eurovision 2008”də ölkəmizi təmsil edən Elnur Hüseynov “O səs Türkiyə”yə qatılıb.Bu barədə prodüser Tarix Əliyev instaqram səhifəsində yazıb:“Bax budur Azərbaycanın səsi! 75 milyonluq Türkiyədə tapılmayan səs Azərbaycandan çıxdı. Bax belə insanları qoruyub, ucaldıb arxa çıxmaq lazımdır! Yoxsa bəzi “Bozbaş” müğənnilər, musiqidən bixəbərlər sevgili hesabına klip çəkdirib efirə çıxanlar, sevgililəri “lotu” olub onun-bunun üstünə adam göndərənlər, üç gün çıxıb özünə “nömrə bir” deyənlər... Siz bu insanın səsi qarşısında heç kimsiniz! Onun adı Elnur Hüseynovdur. Çalışın ki, onu da vətəndən küsdürüb başqa ölkələrə yem etməyin. Burda bəzi özlərini kişi hesab edərək kimlərisə qınayanlara da aiddir... Kişiliyin meyyarı güclə ölçülmür! Elnur təkrarsız səsi ilə Avropanı necə lərzəyə gətirmişdisə, “O səs Turkiyəni” də dəhşətə gətirdi”.Qeyd edək ki, yarışmanın növbəti bölümü sabah baş tutacaq. “O səs Türkiyə”nin anonsu Elnur Hüseynovun çıxışı üzrə qurulub.

 

Əhəd Miriyev

 

Muz-Tv.az